12. səliqəli və sadə araüzə malik olan sözlük.

bir çox əskikləri olsa da, tamamlana bilər. o əskikləri də "versiya iki"də həll edəcəklərini düşünürəm. mən əksər vaxt gecə yazan birisi olduğuma görə ağ temada yazmaqda çox çətinlik görürəm. əlbəttə, bunu google mağazadan qara mod yükləyib həll etmək olar, ancaq mobildə etmək güc işdir -*.

bizim sözlükdən bir neçə üstün cəhətləri mövcüddur. örnək verəsi olsam, durduq yerə yazıya mənfi səs atmırlar məsələn. panellərində bir az dolaşdım 500-dən çox entry * artıq nə qədər bir az olduğunu anlayın : ) oxuduğum müddət boyunca 4-5 entryə mənfi səs gəlib. "bəlkə də, aktivlik əsasında da ola bilər" - deyə düşündüm, ancaq zənn etmirəm. eyni tərz entry, hətta buradakı bilgili entry mənfi səs aldığı təqdirdə orada gülmək üçün yazılan entry belə bəyənilir.

başqa örnək: yazar alım qisminə önəm verirlər, daha doğrusu, yazarın fikrinə. bu, gözəldir. yazara diqqət verilməsi.

bir də gündəm mövzusunda problem var. günlük entrylər göstərmək yerinə (normalda "indi" kanalını seçilmiş göstərir) random entryləri göstərir. bəlkə də buna görə dəyərli entrylər 2-3 səs alıb qeybə çıxır. yəqin ki, problemdir. kodlama haqqında çox bilgim olmadığı üçün yanlış məlumat vermək istəmirəm deyə üzdən keçirəm, ancaq problem olma ehtimalı böyükdür. çünki həmin ("indi" kanalın yanında bir də random kanalı var.)

sözlükdə parol, yaxud mail dəyişdirdikdə sıxıntı yaranır, (ps eyni problem bizim sözlükdə də var) ya mesaj gəlmir, ya da qırıq link xətası verir.

1 həftəlik istifadə müddətimdə deyə bilərəm ki, yaxşı təəssürat bağışladı. yazarları da səmimidir.