1. Amnistiya vəya əfvetmə ilə:
- Cinayət törətməyə görə məhkum olunmuş şəxslər cəzadan azad edilə bilər, yaxud təyin edilmiş cəzanın müddəti azaldıla bilər vəya şəxslərin cəzasının çəkilməmiş hissəsi daha yüngül cəza növüylə əvəz edilə bilər.
- Cəzasını çəkmiş şəxslərin üzərindən məhkumluğu götürülə bilər.

Göründüyü kimi, amnistiya və əfvetmə mahiyyət etibariylə oxşar olsalar da, aşağıdakı kimi bir sıra fərqli cəhətləri mövcuddur:

- Amnistiya Milli Məclis tərəfindən, Əfvetmə isə Prezident tərəfindən verilir.
- Amnistiya fərdi qaydada müəyyən edilməyən şəxslər barəsində, Əfvetmə isə fərdi qaydada müəyyən edilən şəxslər barəsində qəbul edilir.
- Əfvetmə ilə bağlı Prezidentə müraciət etmək olar, Amnistiya ilə bağlı isə Milli Məclisə müraciət etmək olmaz.