86. Uşaq vaxtı heyvanlara işgəncə etmək hamımızın etdiyi bir şeydir. indi fikir verirəm ki, mən çox sadist uşaq olmuşam. Cücənin birini tutub ayağını kəsmişdim, lezvayla qurbağanı doğramışdım, balaca ilanın dişini kəlbətinlə çıxarıb dərisini soymuşdum, qarışqa yuvasının ağzında ocaq yandırırdım, soxulcanlara şprislə domestos və ya spirt doldururdum, vertelyot dediyimiz böcəyə sap bağlayaraq uçurmuşam, kəpənək və çəyirtkələrin qanadını qoparıb qurbağalara yedizdirirdim, ilbizin üstünə duz tömək və s.
Xatırlayanda anlayıram ki, uşaq vaxtı belə şeylərdən çox həzz alıb xoşbəxt olmuşam. Başlığı gördükdən sonra bunun səbəbini araşdırmaq istədim. Nəticələr isə belədir:

Heyvanlara işgəncə etmək uşaqlıqdakı müxtəlif psixoloji və ya emosional travmalar, o cümlədən depressiya, aqressiya, ailə təzyiqi və ya uşağın zorlandığının əlaməti ola bilər.
Heyvanlara işkəncə hallarına misal olaraq bir heyvanı yeməkdən və sudan məhrum etmək və ya xəsarət yetirmək də daxildir.

Araşdırmalara görə, məişət zorakılığının şahidi olan uşaqların təxminən 30 faizi heyvanlara qarşı zorakılıq tətbiq edirlər. Ailədaxili zorakılıq hər kəs üçün, xüsusən də uşaq üçün qorxunc bir təcrübədir. Uşaq qorxmadığını və gücünü göstərmək və ya hirsini tökmək üçün heyvanları incidə bilər. Belə uşaqlar heyvanları incidərək özlərini güclü hesab edirlər. Depresiyaya düşən və ya hirslənən uşaqlar, duyğularını idarə etmək üçün heyvanlara zərər verə bilər.
Bununla belə, uşaqların heyvanlara işgəncə vermə səbəbləri onların yaşına bağlı ola bilər.

1-6 yaş: Bu yaşda olan uşaqlar heyvanlara işgəncə edirsə, buna səbəb inkişafındakı çatışmazlıq, heyvanla necə davranacağını anlamaması və ya heyvanı oyuncaq olaraq görməsi ola bilər. Valideynlər uşağa başqaları ilə yaxşı davranmağı öyrətməli olduğu kimi, heyvanlarla davranış qaydalarını da öyrətməlidirlər.

6-12 yaş: Bu yaşda olan uşaqlar heyvanlarla münasibətdə doğru ilə yanlışın fərqini başa düşməlidirlər. Bu yaşda heyvan zorakılığı, mümkün fiziki və ya cinsi istismarın göstəricisi ola bilər. Burada peşəkar psixoloji yardıma ehtiyac olsa yaxşı olar. Bu yaşda bir uşaqla müzakirə etmək çətin bir mövzu olasa da, psixi sağlamlıq terapevtinin və ya psixoloqun köməyinə müraciət etmək həm valideynə, həm də uşağa vəziyyətin həllində kömək edə bilər.

12 yaşdan yuxarı uşaqlar: bu yaşda heyvanlarla işgəncə verən uşaqlarda başqalarına qarşı şiddət, maddə bağımlılığı və digər yanlış davranışlarln görülməsi mümkündür. Həmçinin, antisosial, ailə tərəfindən təzyiqə mərzu qalmış uşaqlarda daha çox görülür bu hal. Peşəkar psixolqla görüş demək olar ki, vacibdir.
Ps: entryni yazmaqda məqsədim odur ki, ətrafınızda belə uşaqlar olsa diqqətli olun. Psixoloqa ehtiyac ola bilər.
Ps2: həmin uşağın nələr yaşadığını və nə hisslər keçirdiyini bilmədən qınamaq asan ola bilər. Həqiqətlər həmişə göz qabağında olmur təəssüf ki.
Ps3: indi elə deyiləm əzizlərim.
* Sad smile was here