7. Hər iki tərəfə, hətta rusiyaya və putinə sərf eləyən və buna görə də uzandıqca uzanan problem. Ermənilərin qarabağ üçün vuruşmaq, erməni əsgərlərinin orada ölmək istəmədikləri qənaətindəyəm. Amma bir səbəb onları tənzimləyir - şovinist dayaq. Cənubi qafqazın 3 ölkəsi içərisində hələ vətənşüvəni az olan bizik. Gürcülər və ermənilər ölümünə belə yarışarlar bunun üçün. Sanki qarabağı əlində tutmaqla onlar özlərini güclü hesab edirlər. Əslində situasiya tam başqadır. Bufer zona kimi qurulan dövlət bəlkə önəmli mövqeyə sahib ola bilər, amma yan-yörədən sərhəd bağlıdırsa və blokada şəraitindədirsə, hərbi və iqtisadi cəhətdən irəlidə ola bilməzlər. Erməni hökümətləri neçə dəfə dəyişəcək, amma inanmıram ki indidən sonra türkiyə ilə sərhədi açalar ( azərbaycan sərhədini danışmağa dəyməz ). Yuxarıdada dediyim kimi, erməni əhalisinin şovinist damarını tutan hökümətlər qarabağ təbliğatı apararaq onları ermənistana bağlayırlar. əmma ki sərhədlər açılsa, hamısı işləməyə, yaşamağa türkiyəyə qaçacaq. Yəni bilərəkdən azərbaycanla qarabağ problemini, türkiyə ilə də qərbi ermənistan xülyasını ortaya atırlar.
Azərbaycan hökuməti isə başlı-başına komedik siyasət yürüdür. Qaçqınları yedirtdi-içirtdi, bakıya, sumqayıta və digər şəhərlərı öyrəşdirdi. Beləcə, özünü "qaçqın" və ya "məcburi köçkün" adlandıran şəxslər bu imtiyazlardan istifadə etdi və qarabağı unutdu. Ona görə bu gün bir qaçqın bakı-sumqayıt şosesinə qarabağ üçün yox, ev üçün, mətbəx mebeli üçün çıxır.
Digər tərəfdən də özünü xarici ölkələrə, beynəlxalq ittifaqlara məzlum, ərdoğanın deyimi ilə "mağduruz" siması ilə çıxış edir. "Qarabağ azərbaycanındır və nida işarəsi" deməklə şuşada, xankəndində ismayıl və əhməd kabab çəkmirlər, halva-halva deməklə ağzın şirin olmadığı kimi.
Rusiya tərəfi isə 2 dılğır dövləti asılı halda saxlamaq üçün gah nala, gah da mıxa vurur. Çoxları putini dahi, ağıllı hesab edir, amma məncə elə deyil vəziyyət. Qarşısındakılar siyasi savadı olmayanlar və ya rusiyadan asılacağı olanlar olduğu üçün sanki bir dolambaca girirlər və o dolanbacı putin oynadır. Bu dəqiqə qarabağı verə bilməz azərbaycana? Niyə vermir, o istəyəndən sonra, erməninin qulağı çəkiləndən sonra kim nə deyə bilər? Amma və lakin bunun olacağı təqdirdə 3 tərəf də öz siyasətini dəyişməli olacaq, bu da heç biri üçün müsbət nəticələnməyəcək.

Son olaraq, son günlərdə baş verənlərin hələ polis bizi söyür, bizi döyür dedizdirmək üçün provakasiya məqsədilə edildiyini düşünürəm. Nəticədə iki-üç polisi işdən çıxırıb, "yaşa prezident" demək üçün də bəhanə lazımdır.
(Sonuncu abzasın başlıqla əlaqəsi olmadığını bilirəm, amma niyəsə onu yazmaq istəyi gəldi).