31. Bu qədər cəbhəçini necə ovsunladığını bilmək istədiyim adam. Cəbhəçilərin Əli bəy deyəndə sevgidən gözləri parlayır. Prinsipcə dini sekta rəhbərlərindən fərqi yoxdur, partiya üzvləri də onun müridləri. Partiyasında özündən başqa ciddi siyasətçi olmadığı üçün düşünürəm ki, ətrafında ağıllı adam istəmir. Ağzı iyi laf yapmasına baxmayaraq, atdığı addımlar o qədər də uğurlu alınmır. Siyasətçi kimi xeyli tənqidəlayiq məziyyətləri olsa da, son illərdəki cəsarətini təqdir etmək lazımdır, xüsusilə 19 oktyabr mitinqində küçəyə çıxması. Hakimiyyət ona qarşı niyə bu qədər qəzəb və nifrət doludur bunu tam bilməsək də, onu bu qədər beldən aşağı vurması da iyrənclikdir. Ölkədə normal siyasi mühit olsa bu siyasət anlayışı ilə yəqinki ölkənin başına çox oyunlar aça bilər, ancaq belə avtoritar zamanlarda pafoslu çıxışları ilə itirəcəyi bir şeyi olmayan insanları ətrafında yığması ümumi prosesə az-çox tövhə verə bilər. Kaş tərəftarlarını qaragüruhçuluqdan azad edə bilərdi, ancaq görünür ki, özü də bunun fərqində deyil.