32. bir gün prezident olma imkanı əldə etsə, ilham əliyevdən fərqinin olmayacağını düşünürəm. Türkiyədə kamal qılınçdaroğlu necədirsə, bu da o cür siyasətçidir. Aralarındakı fərq türkiyə versiyasının daha məqsədyönlü olmasıdır - adam bütün chp kadrlarını kürdpərəstlərlə doldurdu. Səs qazanmaq üçün ərdoğana qarşı olan bütün partiyalarla əlaltı və ya əlüstü əlaqə qurdular. Amma bizimki özündən başqa heç bir şəxsi görmək istəmir sanki. Müxalifətin də uğursuzluğunun səbəbi budur. Cəmiyyəti, hakimiyyəti dəyişmək istəyən gərək birinci özündən başlasın. Belə deyim də, indi 18 yaşım var, özümü tanıyandan ilham əliyevdən, əli kərimlidən, nə bilim isa qənbərdən filan başqasını görməmişəm. Ölkənin müxalifəti də, iqtidarı da kreslodan durmaq istəmir. iqtidarda oturanların hər biri ən az 3 vəzifədə əyləşir, müxalifətdəkilər də qohum-qardaşını yan-yörəsinə düzürlər. Bəs ləyaqət harada qaldı?
Dövr texnologiya dövrüdür. iyirmi birinci əsrdir. ənənəvi qaydalarla müxalifliyi hara kimi davam etdirmək olacaq ki. Bir ara reala ümidim var idi, o da buxar olub getdi. Hara dönsək, eyni insanın fərqli simasını görürsən sanki.
əli kərimli yerini daha layiqli birinə versə, ağıllı müxaliflik edən partiyaya çevrilməklə nəsə hərəkət etmək olar. Nəticə isə olmayacaq heyif ki, avtoritarizm və böyük qardaş putin faktorunu nəzərə almalıyıq. O kimi istəsə, o da seçiləcək. Rus dilinin müqəddəsləşdirilməsi, beynəlxalq arenada özünə müttəfiq qazanması, avropanın da işinin əliyevdən xoş keçməsi ölkəyə "demokratiya" gəlməyinə sədd olacaq. Xoş, gəlsə, kim çıxacaq o vəzifəyə. Eyni sifətin başqa bir tərəfi.