94. qəzəli-eşq -*

zülfüntək qara hicrin ilə, bağrımı qan eyləmisən,
gah qəlbimi viran, gah da halı-pərişan eyləmisən...

Bal kimi ləblərindən bir busə verməyərək, ey məh !
Bu yazıq qulunu bir təşnətək, yarımcan eyləmisən...

Səni sevməkdən özgə, söylə, nədir günahım ?
Eşqimi aləmdə yayıb, küll cahana bəyan eyləmisən.

Sevgindən pərvanətək alışdım, yandım, söylə niyə
Yusifi-bədha üzünü bu bəndəndən nihan eyləmisən.

Ey Apollo, ayaq saxla, bir dön, bax geriyə,
Gör bu zalım üçün nələri qurban eyləmisən ?!

izahlar:
zülf - saç
hicr - ayrılıq
ləb - dodaq
busə - öpüş
məh - ay
təşnə - səhrada susuz gəzən
küll - bütün
pərvanə - kəpənək
yusifi-bədha - klassik ədəbiyyatda gözəllik etalonu. rəvayətlərə əsasən, yusif peyğəmbərin gözəl sifəti olub.
nihan eyləmək - gizlətmək