193. Bir ara inanırdım ki, həqiqətən də, ölkə prezidentinin ölkədə baş verənlərdən xəbəri yoxdur. Mövzu olub-bitəndən sonra başlayırdı onun haqqında danışmağa. Sonra anladım, elə qulaqardına vurub yaşayan insanlardandır o da. Özü yaxşı, ətrafı pis deyil, elə hamısı bir bezin qırağıdır. Millətə zülm edən dədəsinin yaratdığı böyük sistemin başına oturdu, neft qiymətlərinin tüğyan etdiyi, azərbaycanın gözüboyaq inkişaf etdiyi dövrlərdə qismən də olsa, azadlıq sezilirdi. Ən azından ilqar məmmədov kimiləri də efirlərdə sözlərini deyə bilirdilər. Amma əlində olan gücdən ilbəil daha da çox yararlandı və öz ölkəsini yaratdı. Xalqı zənn altında saxlayaraq bir qrup şəxsdən başqa özünə itaətkar böyük kütlə yaratdı. Heydər əliyevin dövründən qalan klanları bir-bir oyundan kənarlaşdırdı. Bununla paralel olaraq da paşayevlərin yüksəlişi başladı. Ölkə artıq əliyevlərdən paşayevlərə doğru dönür. Ətrafımızda olan obyektlərdən tutmuş vəzifəli şəxslərə qədər onların adamları yerləşdirilir. Böyük ehtimalla, ilham əliyev siyasətdən uzaqlaşmaq istəyəndə onun yerinə kiçik heydər yox, məhz mehriban əliyeva keçəcək. Vaxtıkən vitse-prezidentlik kimi səviyyəsiz post da bunun üçün yaradılmışdı - idarədə əliyevanı tanıtmaq üçün.

ilham əliyev düzgün idarəçilik qabiliyyətinə nail olsaydı, daxili siyasətdə insanlara azadlıq versəydi, firavan yaşayış bəxş etsəydi, seçkiləri saxtalaşdırmağa da ehtiyac qalmayacaqdı. Çünki qarşısında doğru-dürüst bir namizəd yoxdur. Olanları susdurdu, indikilər də bundan beş qat betərdi. Nə deyim, bu ölkənin sərvətləri kaş olmasaydı deyirəm, uca binalar, milyonluq-milyardlıq yarışlar, müsabiqələr olmasaydı deyirəm. Həyatımız daha gözəl olardı. ilham əliyev də taxt uğrunda hər cür oyunu çıxartmazdı.