26. dövlətə müxtəlif aspektlərdən yanaşanda müxtəlif izahlar meydana çıxır, çünki dövlət mürəkkəb ictimai əlaqədir.

ilk növbədə dövlət hakim sinfin (hazırda kapitalistlər sinfinin) vasitəsidir - status-kvonu qoruyur. həmçinin dövlət kapitalizmin iqtisadi funksiyaları ilə birləşmiş siyasi funksiyaların obyektiv formasıdır - kapitalizmin mövcudluq şərtlərini təkrar istehsal edir; sinfi mübarizə meydanıdır; yadlaşmış ictimai münasibətlərdən törəyən aldadıcı icmadır; hegemon siyasi ideologiyadır.

dövlət ayrı-ayrı kapitalistlərin yox, bütövlükdə kapitalistlər sinfinin maraqlarına xidmət edir, yəni kapitalist sinfinin mövcudluq şərtlərini təkrar istehsal etmək üçün dörd məsələdə ona kömək edir: 1) təzyiq, 2) legitimləşdirmə, 3) kapital yığımı, 4) dəyərin reallaşdırılması. bunlardan ilk ikisi digər sinifli cəmiyyətlərə də aiddir, amma son ikisi yalnız kapitalizmə xasdır.