1. Virusun aktiv fəaliyyətdə olduğu bu günlərdə hamı tərəfindən əməl olunması vacib olan 1.50 m və ya 2 m'lik məsafə. Amma nədənsə bizim insanımızda belə bir düşüncə var. Bir insan sənlə arasında məsafə qoyursa sanki sənin xəstə olduğundan şübhələnir. Bayaq kassada dayının biri qabağımda durmuşdu, o arxaya çəkildikdə mən də aramızdakı məsafəni qorumaq üçün geri çəkilməli olurdum. Bunu görüb başladı deyinməyə "bala xəstə zad deyiləme narahat olma" sonra başladı qabağında duran adamla virusun əslində qurma olduğu, amerikanın bu işdə barmağı olduğu, insanları idarə etmək, qocaları öldürmək üçün yayıldığı barədə uzun-uzadı danışmağa. Fiziki cəhətdən olmasa da, mənəvi olaraq məni xəstə edə bildi. Və ya başqa bir misal. Hansısa bir yaxın adamla üz-üzə öpüşüb görüşmədiyin üçün səndən mənasız yerə inciyirlər (bu da dünyanın ən mənasız adətidi).
Sadəcə bizim insanımıza xas bir haldı, Yoxsa nədi bilmirəm. Amma nədənsə sosial məsafəni qorumaq anlayışı çox səhv başa düşülür. Biri ilə aramda məsafə saxlayıramsa, bu onun xəstə olduğunu göstərmir, sadəcə mən özümü qorumağa çalışıram. Birinin xəstə olub-olmadığını üzdən anlaya bilmirəm, üzümə niyə nəslini söymüşəm kimi baxırlar onu da anlamıram. Lap heç xəstəlik yoxdu, mən heç kimlə çox yaxın dayanmaq, durmaq istəmirəm, bundan kimə nə?