1. Bir çoxlarının kökünü və "hekayəsini" bilmədən inandıqları mövhum. Bu fikrə inanmadığım və absurd gəldiyi üçün heç vaxt maraqlanmamışdım, amma insanların nəyə inandığı maraqlı gəldi və axtardım. Bu barədə dəqiq informasiya bazası çox azdır. Ümid edirəm bu entry kimlərəsə nəyisə anlamağa kömək edər. Əlimdə olan mənbəyə əsasən, bu fikirin məzmununu ardıcıllıqla yazacam. inanıb inanmamaq sizə qalıb. * Necə inanacaqsızsa artıq...

Sitat:

Allah təala bir gizli xəzinə idi. Özünü bildirmək üçün əvvəlcə dünyanı yaratdı. Sonra nəbabəti, daha sonra heyvanları xəlq etdi. Ən axırda insanı yaratmağa iradə etdi.

Cənabi-həqqin ilk yaratdığı insan adəm eleyhis-səlamdır. Allah onu torpardan xəlq eylədi. Danışmaqla sair heyvanlardan ayırdı. Hər bir şeyin adını ona öyrətdi, əql və fərasət versi və həzrəti adəmə itaət etməyi bütün məxluqlara əmr buyurdu; hamısı qəbul etdilər, lakin şeytan qəbul etmədi. Ona görə allahın rəhmət dərgahından qovuldu.

Həzrəti adəm cənnətdə yaqız yaşayırdı, bir yoldaşa ehtiyacı var idi. O səbəblə allah həvva əleyhis-səlamı yaratdı.

Adəm və həvva cənnətdə rahatlıqla yaşayırdılar. Hər cür naz-nemət onlar üçün hazır idi. Allah onlara hər cür müyvədən yeməyə izin verdi, fəqət buğdadan başqa* bəzi mənbələrdə əncir və ya alma kimi də göstərilir . Lakin onlar şeytanın hiyləsinə uyaraq qadağan olmuş meyvəni yedilər. Beləcə Allahın əmri ilə cənnətdən qovuldular.

Həzrəti adəm hind civarına, həvva isə ərəbistan tərəfə düşdü. Beləcə bir müddət ayrı yaşadılar.

Adəm yalnızlıqdan çox incidi və tutduğu işdən peşman oldu. Tövbə edib ağladı və tövbəsi qəbul oldu. Beləcə həvva ilə qovuşdular.

Adəm və həvva birlikdə yaşamağa başladılar. Hər qarında * doğumda yəni bir oğlan və bir qız əkiz övladları olurdu.

Onların övladları çoxaldı. Allah tərəfindən öz övladlarına peyğəmbər təyin edildi. O, Allahın əmrlərini övladlarına öyrədirdi. Və şəriətə uyğun olaraq, bu qarında doğulan qızı əvvəlki qarında doğulan oğlanla evləndirirdi. Beləliklə sağlığında 40 minə yaxın övladı var idi.

Həzrəti adəm 1000 il yaşamışdır, həvva isə ondan 1 il sonra vəfat edib.

Sitatın sonu.

Hekayə bitdi, indi isə öz fikirlərimi yazacam.
Əvvəla, axı niyə buğda haram idi? Nəyə əsasən qadağan olunmuşdu? Okay, "sınaq" ola bilər, bunu keçdim.

Ümumiyyətlə qohum evliliklərinin fəsadları hamıya məlumdur, nəinki bacı-qardaş evliliyi... bildiyimiz kimi, hər insanda 23 cüt xromosom var. Hər bir cüt xromosomun biri anadan, digəri atadan gəlir. Xromosomlar DNT-ni formalaşdırır. DNt-nin funksiyalarını müəyyənləşdirən, kodlaşdıran bölümlərinə isə gen deyilir. Biz isə nəsildən gələn genetik xüsusiyyətləri daşıyırıq. Bir və ya bir neçə gen bizdəki özəlliyin məlumatını özündə daşıyır. Qohum evlilər eyni soydan gəldikləri üçün ana və atanın eyni genin sürətini daşıyırlar. Və bu zaman zərərli genlərin bir-biri ilə qarşılaşma ehtimalı yüksəlir. Ona görə də onların uşaqlarında anormallıq və xəstəliklərin görülmə ehtimalı yüksəkdir. Və bu qohum evliliyinə aiddir, bacı-qardaş evliliyini özünüz təsəvvür edin. Məntiqsizdir mənə görə.

indi isə rəqəmlərin absurdluğundan danışım. Hər biri 1000 il ömür sürmüşsə və 40.000 övladları olubsa, demək ildə 4 uşaq. Hər dəfə əkiz uşaqlar olduğundan ildə 2 doğum edir, ortalama 5 aylıq hamiləlik. Hər yaşda doğum da mümkün deyil, bunu da nəzərə alsaq hər şeyin necə absurd olduğu göz önündədir zatən. Bir neçə mənbəyə baxdım, oxşar yazılardır.

Ps: Hər kəsin inancına hörmətlə yanaşıram, amma nəyə inandığınızı araşdırsaz pis olmaz.

Mənbə:
Əlabbas Münzib - Müxtəsər Ənbiya və islam Tarixi.