3. inqilabçı olmaqdır. inqilabçı təbiəti, cəmiyyəti və idrakı materialistcəsinə başa düşməyə çalışan, müəyyən bir məzlum sinfin maraqları (hazırda bu sinif muzdlu işləyənlər, fəhlələr, proletariatdır) ilə yanaşı gələcək sinifsiz cəmiyyət perspektivini qəbul edən, bütün həyatını mübarizəyə həsr edən və ya həyat tərzini mübarizəyə uyğunlaşdıran, səmimi, fədakar, çətinliklərdən qorxmayan və qorxduğu üçün nəzəri bəhanələr gətirməyən, şəxsi həyatı ilə mübarizə arasında fərq qoymayan, təşkilat konsepsiyasını tam surətdə mənimsəmiş, yəni hazır olan potensialı təşkil olunmuş qüvvəyə çevirmək istəyən, tənqid və özünütənqid prinsiplərinə əməl edən, demokratik mərkəziyyətçiliyə etinasız yanaşmayan, zəhmətkeş, mütaliəyə meyilli, hansısa millətə mənsub olduğuna görə fəxr etməyən, beynəlmiləlçi insandır.

müasir dövrdə azərbaycanda tarixi vəzifəni başa düşən və düz yolda olan insanlar yalnız bu xarakterə malik inqilabçılardır. şübhəsiz ki, mübarizə ilk növbədə formaca milli olmalıdır. məqsəd azərbaycanın da daxil olduğu dünya inqilabıdır. inqilab etməyin məqsədi sinifsiz cəmiyyətə keçməkdir və bunun vasitəsi zəhmətkeşlərin demokratik diktaturasını qurmaqdır. beynəlxalq fəhlə dövlətləri yarandıqdan sonra hamılıqla sosializmə addımlamaq daha rahat olacaqdır, çünki kapitalist dünyanı birləşdirib tək bir iqtisadi orqanizm yaradıb, sosializm ondan da çox beynəlmiləl xarakterə malik olmalıdır və olacaqdır.