1. bu sifarişi verən: albert einstein
islamın azərbaycana, ümumiyyətlə harasa, kiməsə bir təhlükəsinin olduğunu sanmıram(məhdudiyyətləri deyil də bir başa təhlükə yaratması). islamı anlayan, şəriəti qəbul edən əməlisaleh bir insanın kiməsə nəsə ziyanı olacağını da düşünmürəm. Burada təhlükəni yaradan bir qrup insandır ki, əsas da gənclər və yeniyetmələrdən təşkil olunub, onlar islamı ancaq sosial şəbəkələrdən, onun bunun ağzından öyrənirlər. Anlamasalar da Özlərini allahı və dini sevməyə məcbur edirlər. müəyyən qədər şübhə yerləri qalsa da, bu niyəsə onlarda uğurlu alınır. içlərindəki şübhəni gizlətmək üçün isə özlərindən asılı olmayaraq inancsız insanlara və yaxud hər hansısa bir şəkildə öz beynində qurduğu mükəmməl dininə zidd olan şeyə qarşı aqresiv bir tövrlə yanaşırlar. (bax: təkamül)

Və əksinə qəlblərindəki böyük allah sevgisini olduğunu göstərmək üçün də fürsət gözləyirlər. Bu sevgi bəzən o qədər qüvvətli(allahdan daha çox bu sevgiyə inanırlar əslində) olur ki bəzən dedikləri, etdiləri şeylər onların başqaları tərəfindən heç xoş qarşılanmamalarına səbəb olur. Bu prosesdə davam etdikcə bu kütlə öz ağlındakı "öz mükəmməl dinini"(çünki bu artıq islam olmur) həyatının meyarına çevirib, bu meyardan kənardakı insanlara da düşmən kəsilirlər. Bu da ən böyük ziyanı islam dininin mahiyyətinə vurur.

Entryim biraz qasimin köhnə entrylərinə oxşadı, başa düşürəm amma sadəcə düşüncələrimi paylaşıram, məqsədim islamı ağa çıxarmaq filan deyil.
islam adı altında bu tip gənclərdən istifadə olunması(siyasi olaraq) öz yerində bu bütün ön asiya hətta dünya üçün təhlükədir. Çox istərdim ki 33-cü dərəcədən mason bu mövzuda aydınlatsın bizi.