4. Başda yengəlik deyilən və insanın şəxsi həyatına ağır zərbə vuran adət yığışmalıdır. Sən bəlkə də ilk dəfə sevdiyin biri ilə olacaqsan, gəl qapıda biri küçə kamerası kimi izləsin. Hansı ağıla, məntiqə sığır bu? Bunu nəyə görə dəstəkləyirlər axı?
Daha sonra yersiz mərasimlər var: toy, yas, ilk yaş və s. Keçirmə demirəm, az təmtəraqlı, kiçik bir mühit hazırla və olsun bitsin. Nəyə lazım 400-500 adamı salonun ortasında hoppandırmaq, bəy-gəlinin tanımadığı insanları pul üçün çağırmaq? Hamısı israfdan gəlir, əvvəldən alınan axmaq qızılların pulunu ödəmək lazımdır axı, nə qədər adam çox olsa, o qədər çox pul gələcək. Bir-iki ay sonra dəvətnamələr üst-üstə gələndə də üzlərinə söyürlər elə bil. Nə əkirsiniz, onu da biçirsiniz də.
Ən əsası məncə xalanla, dayınla, əminlə nə bilim bütün qohumlarla telefon üstündə danışmağımız üçün edilən məcburiyyətdir. Mən açıb danışmaq istəmirəmsə, niyə "gəl xalana salam de", "götür nənənlə danış" kimi yersiz təkliflər edilir? Qarşı tərəf bunu anlamır, ya anlamazdan gəlir?