29. mənbələrdən birində kafkanın kiçik bir qızla olan hekayəsini tapdım və istədim sizinlə bölüşüm.

kafka yenə hər zamanki gəzintilərindən birində olarkən parkta ağlayan kiçik bir qızla rastlaşır. onunla keçən dialoqundan sonra aydın olur ki, qız oyuncaq kuklasını itiribmiş. kafka onun üçün həmin kuklanı tapacağı sözünü verib, ertəsi gün eyni yerdə görüşəcəklərinə sözləşmiş, yollarına davam etmişlər.

kafka kuklanı çox axtarsa da, tapa bilmir və kuklanın adından kiçik qıza məktub yazmağı qərara alır. qıza verdiyi ilk məktubda belə yazmışdı:
"xahiş edirəm, mənim üçün narahat olma. mən dünyanı gəzməyə çıxdım. sənə gördüklərimi, başıma gələnləri anladacam"
kafka hər görüşündə bu məktublardan yazıb qıza vermiş, hər dəfəsində qızın həyəcanı artmışdı.

nəhayət, son görüş gəlib çatır və kafka başqa bir kukla alıb gətirir, qıza verir. kiçik qız böyük bir təəccüblə kuklaya baxır, bunun həmin kukla olmadığını deyir. bu zaman kuklanın üzərinə yapışdırılmış notu tapır:
"səyahətim məni çox dəyişdi"

illər keçir, artıq kiçik qız böyük qadın olur. günlərin birində həmin kuklanı diqqətlə nəzərdən keçirərkən ustalıqla içinə gizlədilmiş notu tapır:
"sevdiyin şeyi gec, ya da tez, bir gün itirəcəksən, amma sevgi başqa bir formada təkrar qarşına çıxacaq"