1. Mahnının sözləri Vahid Əzizə, musiqisi isə Eldar Mansurova aiddir. Mahnını 1995-ci ildə Eldar Mansurov bəstələmişdir. Şair Vahid Əziz müsahibəsində deyir: "Səhər saat 6 idi. Gördüm ki, artıq hava işiqlanır. Pəncərədən baxdım ki, "səhərə nə qalır, ulduzlar sönür". Bu şeir də yazıldı. Bu şeiri də Eldar Mansurov bəstələdi və Aygün Kazımova ifa etdi." "Mahnının ilk ifaçısı jurnalist Sevil Nuriyeva olub. 1998-ci ildə mahnını Flora Kərimova və Aygün Kazımova lentə almışdır. Tədbirlərin birində lentə alınmış videoda Flora xanım Kərimova: "Bu ifadan sonra (red: Aygün Kazımovanın ifasını deyir), mən öz ifamdan keçdim" sözlərini deyib. Eldar Mansurov isə, öz şəxsi youtube hesabında "Mahnını mən 1995-ci ildə yazmışam. Flora xanım da, Aygün də bu mahnını 1998-ci ildə oxuyublar. Onlardan başqa bu mahnını daha 3 nəfər oxuyub. Ən sonuncu və ən uğurlu Aygün Kazımova oxuyub". 2015-ci ildə müğənni Diana Hacıyeva mahnını yenidən aranjeman edərək ifa edərək və ekranlaşdırıb. Tarzən Zamiq Əliyev mahnını tarda ifa edərək, mahnıya başqa bir nəfəs vermişdir.