19. Sifətindən özünübəyənmişlik yağan, süni yaltaq ifaçılardan biridir. Əvvəl tək yaxşı başlamışdı, adını indi xatırlamadığım bir neçə dinlənilməli mahnıya imzasını qoymuşdu. Amma və lakin zamanla bayağılaşdı. Səs desən, yoxdur onsuz. Canlı ifalarını dinləyə bilmirəm, studio versiyalarında da o baş ağrıdan səsi tam düzəlmir. Şərt konsertləri zamanı salonun tam dolması, ya da onun fanatlarının olması deyil ki. Ona qalsa, bu şəhərdənin bütün konsertləri ağzına kimi dolu olur, və ya üzeyir mehdizadənin klipləri on milyonlarla izlənir. Onda bu deməkdir ki, bunlar şedevrdir? Əsla. Niyəsə bilmirəm, əsl şedevr deyə biləcəyim insanlar, mahnılar 1 milyonu çətin görür, nadir hallarda 2-3 olur, o da ki güclü kampaniyası aparılanda. Belə olduqda miriyə qarşı fikirlərim yenə dəyişmir, yenə bəyənmirəm onu.

Onu bəlkə bir addım qabağa atan şou-biznesə qarışmamasıdır. Gündəm olmaq istəmir, ən azından yaxşı cəhəti kimi saymaq olar. Bunu da özünü "elit" göstərməyinə hesablayaq.