no time for goodbye


    1. kanadalı yazıçı linwood barclay tərəfindən yazılmış, dram-dedektif janrında yazılmış möhtəşəm kitab.
    təsəvvür edin bir səhər oyanırsız və ailəniz sirli şəkildə yoxa çıxıb. nə edərdiz? nə düşünürdiz? əlinizdən nə gələr ki, geriyə heç bir dəlil, işarə yoxkən?
    kitabı 11-ci sinifdə məşğlələrin ortasında kitabxanadan götürüb oxumuşdum. kitabın arxa qapağında belə bir yazı var idi - "kitabı oxumağa gecə başlamayın, çünki oxuyub bitirmədən yata bilməyəcəksiz.". həqiqətən də elə idi, kitab olduqca maraqlı və axıcı olduğundan insan bitirmədən kitabı bitirmək istəmir.
    kitabı gözəl edən axıcılığı və mətnindən əlavə, duyğu və emosiyaların çox gözəl işlənməsidir. insanın çarəsizlik və kədər içində boğularkən sevdiklərindən, ən güvəndiyi insanlardan dəstək görməməsi, bunun insanı neçə yıpratdığının kitabda təsviri məni heyran etmişdi.
    bəzən durduq yerə gələn çıxıb getmək, ailəmiz daxil hamıdan uzaqlaşmaq, heç kəsi görmək istəməmək duyğusu - hər şey həqiqətən bu qədər asandır? ailənizə onlara nifrət etdiyinizi deyərək qapını çırpıb yatərsız və səhər oyandıqda onlar artıq yoxdur. kitabın düşündürücü yönlərindən biri də budur. sözləri deyərkən və ya düşünərkən əslində dərinliyinə getmirik, egomuzu bəsləyirik. günahı başqalarında görmək necə də asandır. lakin bu dediklərimizin reallaşmasını da istəmirik. çünki üzülmək, kədərlənmək - öz duyğularımızı incitmək istəmirik.
    kitab nə qədər az tanınsa da, oxumağınızı tövsiyyə edirəm.






hamısını göstər