10. Feysbukda "dünya və səyahət" adlı səhifə hər həftə səsvermə ilə bir ölkəni seçir və onunla bağlı məlumatlar verir. Bu həftənin ölkəsi estoniyadır və oxuduqca heyran qaldığım bu kiçik və şirin ölkə haqqında bir neçə abzası paylaşmaq istəyirəm:

1 - estoniyada yolun kənarında avtobus işarəsi varsa, bu həmin yolun yalnız avtobusa aid olduğunu bildirir və digər nəqliyyat vasitələrinin girişinə icazə verilmir. Giriləcəyi halda cəriməsi 30-40 avro arasında dəyişir. Buna görə də ölkədə nəqliyyat çox səliqəlidir və tıxac yoxdur.
Həmçinin yolların hər iki tərəfində ağaclardan ibarət yaşıllıq var və bunları kəsmək olmaz. Bu yolların yanında isə velosiped yolu və səki mütləq olmalıdır.

2 - informasiya texnologiyaları çox irəli səviyyədədir. Belə ki, 2007-ci ildən ölkədə seçkilər onlayn şəkildə həyata keçirilir. Şagirdlərə 7 yaşından proqramlaşdırma dərsləri tədris olunur. Onlayn şəkildə orada yaşama məcburiyyəti olmadan vətəndaşlıq almaq imkanı var, bununla estoniya 2025-ci ilə qədər vətəndaş sayını 10 milyona çıxartmağı hədəfləyir. Həmçinin vətəndaşı olduğunuz üçün vergilərini də ödəməyə məcbur edilirsiniz, bunun nəticəsində də ölkə büdcəsinə bir xeyli vəsait daxil olur.

3 - dünyanın ən yüksək sürətli internetinə sahibdir, demək olar ki, ölkənin hər yerində pulsuz internet şəbəkəsi var. Digital dünyada inqilab edən ölkə 2000-ci ildən parlament və hökumətdə kağızdan istifadə etmir.

4 - paytaxtı tallindir, sadəcə 410 min nəfərin yaşadığı bu gözəl şəhər ölkə əhalisinin 1/3 hissəsinə ev sahibliyi edir.