53. *cornelius fudge* və *itsmesabi* başda olmaqla universitetə qəbul olmuş bütün yazarlarımızı təbrik edirəm və uğurlar arzu edirəm hamınıza. artıq uniyə başlamaqla özünüzə yeni səhifə açacaqsız, mənim də məsləhətlərim olsun.

1. ixtisas seçərkən valideyninizin yox, öz istədiyiniz ixtisası seçin. bilirəm bunu eşitməkdən qulağınız qabaq olub, amma mütləq diqqət etməlisiz. yoxsa 1-ci smestri başa vurmamış həvəsdən düşüb oxumağın başını buraxacaqsız, ya 4 il kaş bunu yazmazdım deyib gileylənəcəksiz. qrup yoldaşım valideyn istəyiylə ixtisas seçib və hal-hazırda 16 kəsiri var, halbuki, 613 balla qəbul olmuşdu. yəni düşünün.

2. çalışın ilk dəfədən yaxşı oxuyasız, müəllimin yaddaşında oxuyan uşaq kimi qalın. gündəlik oxumağa çox can yandırmasaz da, kollekvium və qiymətlərinizi yüksək alın ki, giriş balınız da yaxşı olsun. ümumiyyətlə, mənim etdiyim səhvi siz etməyin - həvəsdən düşmək zad şeyliyib oxumağın başını buraxmayın. çalışın imtahan nəticələriniz yüksək olsun. nə qədər yüksək ortalama, o qədər yaxşı.

3. əsla və əsla qrup yoldaşlarınız haqqında olan ilk təəssüratlarınıza inanmayın. hamının üzü 1-ci smestrdən sonra görünür. bir də görəssiz sakit uşaq dediyiniz biri müəllimə yaltaqlanır, ya da arxanızca gopologiya danışır. hamı iç üzünü göstərənə qədər heç kəslə emosiyalarınızı, həyatınızı, sirrinizi qətiyyən bölüşməyin! bir müddət keçdikdən sonra artıq qrup içində qruplaşmalar yaranacaq, onda seçərsiz tərəfinizi.

4. əsla qrup yoldaşınıza aşiq olmayın, sevgili heç olmayın. uniyə təzə girəndə qrup yoldaşınızı bəyənə bilərsiz, indiyə qədər axtardığım belə insandı deyə bilərsiz. amma gözləyin. sonra da heç dostluq münasibəti də qalmır arada.

5. çalışın unini bitirənə qədər bacarıqlarınızı yüksəldin, yeni şeylər öyrənin. xüsusilə 1 və 3-cü kursda səhər smeni olacaqsız, vaxtınızı yaxşı dəyərləndirin. ha birdə, çalışın mümkün olsa ing sektor yazın, fydasını görəcəksiz.

6. müəllimlərə qətiyyən hörmətsizlik etməyin. haqqınız tapdansa tələb edin amma məktəbdəki kimi nəyəsə görə lağ etməyin. hərdən ifritə dediyin müəllimlər adama çox hörmət, yaxşılıq edirlər. yaxşı müəllimlərə çalışın əlaqəni itirməyin, ixtisasınız üzrə gələcəkdə məsləhət almağa filan.

7. kurs işi, kollekvium filan şeylərdə pul temasından qətiyyətlə uzaq durun. bəzən yuxarı kurslar deyir biz pul vermişdik, mütləq verməlisiz. hamısı boş şeylərdi, qulağ asmayın. və çalışın yuxarı kurslardan güvənilir bir tanış tapın ki, imtahan gedişatı, müəllimlərin xarakteri haqqında əvvəldən məlumatınız olsun.

8. Tgt kimi mənasız təşkilatlara üzv olmayın, vaxt itkisidi. həm də o tayfa çox həyasız olur. ondansa elmi təşkilatlara yazılın, elmi iş aparın, cvnizdə qeyd edə biləsiz.

bir də universitetdə qrup nümayəndəsi olmaq var, o haqda da vaxt edib yazacam. yadıma nəsə düşsə burları da editləyəcəm.
həmçinin (bax: hər universitetdə mövcud olan tiplər)

hamınıza uğurlar.