1. Əsərlərdən bəyənilən, karandaşla altından qaralanan qeydlərin öz dilimizdə paylaşıldığı sayt. Burada qeydlər paylaşılandan öncə əsərin annotasiyası da verilir.
Saytda bir neçə bölmə var, məsələn, Qiraətçi adlı bölmədə müxtəlif filmlərdəki obrazların qiraət edərkən çəkilən səhnələrindən fotolar paylaşılır.
kinokitab adlı digər bir bölmədə əsərlərin əsasında çəkilən filmlər və onların IMDb keçidi verilir.
ilk & son bölməsində saytda yer alan əsərlərin ilk və son cümlələri paylaşılır.
Kitablar adlı bölmədə qeydlərini paylaşdıqları kitabları bir neçə dildə pdf formatında yükləyə bilərsiniz.
Mən özüm də kitabı karandaşla, ya da markerlə, yaxud da qələmlə, hər nəysə, oxuyan biri olaraq mənə maraqlı gəldi.
Saytın yaxşı cəhətlərindən biri odur ki, əsərlər barədə əvvəlcə qısa məlumat verir və maraqlı, yaddaqalan sitatlar paylaşırlar. Elə sitatlar ki, sizdə həmin əsəri oxumağa maraq yaranır. Çünki sadəcə annotasiyanı oxusanız, ola bilər ki, əsər sizi cəlb etməsin. Amma içindən paylaşılan bir cümlə belə sizdə maraq oyada bilər.