3. Eşidilmək üçün indiyəcən nə etmişdik ki? Qarabağ müharibəsi başlamasaydı, Azərbaycan xalqı sosial şəbəkələrdən yararlı istifadə etməyi öyrənməyəcəkdi, iyul döyüşlərindən bu yana Azərbaycan diaspora təşkilatları yatılı vəziyyətdə qalacaqdı, Azərbaycanın beynəlxalq arenada təmsil etmək üçün dəridən-qabıqdan çıxılmayacaqdı.
Bu siyahını uzatmaq olar, lakin bütün oxlar bir cavabda dirənir: ölkə olaraq çalışqan deyilik. Əziyyət çəkmək, ölkəni bir günə çıxartmaq üçün səy göstərmirik. Bəs bu yalnız bizim günahımızdır? Xeyr. Ölkə rəhbərliyi vətəndaşlarına göstərdiyi idarəçiliklə bizi ölkədən soyutdu. Ağlı olan ölkədən kənara çıxır, gücü çatmayan isə burada qalmağa məcbur olur. Bu qədər zorakılığa rəğmən yenə ölkə üçün birlik ola biliriksə, bu xalqımızın iradəsi və dəyərinin göstəricisidir.
Bizi eşidəcəklər, əgər Azərbaycana dəyər versək.