11. eşitdiyim ən şirin mi şirin sual.
ibtidailərə dərs keçəndə qrupda 4-5 nəfər olurlar, biri tualetə gedən kimi elə bil hamısının yadına düşür ki, "aa, mən də getməli idim". özü də qapının ağzında anasının arxasıyca gəzən ördək balaları kimi düzülüb, özləriyçün düzən qurublar. tualetdən çıxana "dəcəllik" etmiş və ancaq onların arasında sirr olan bir şeyi etmiş kimi baxıb qımışır, ya da gülməkdən qəşş edib yerə yıxırlar özlərini.
(baxma: bütün sırrı bozdun yaa)
bir uşaq var, çox səbrsizdi, oturmaqdan bezən kimi qaçır tualetə, özü də əməllicə gec çıxır. gərək o biri uşaqlar qapını döyüb bezdirsin, sonra narazı və əsəbi sifətlə qapını açıb çölə təşrif buyursun. o qapını açanda içi mən qarışıq əl çalıb sevinirik.
həyət evindəyik, tualetin pəncərəsi yola açılır, bu da tualetdə qışqırıb dostlarını yığır divarın digər tərəfinə, beləcə söhbətləşirlər. qapının dalını da bağlıyır, əlimdən onu çıxarmaq üçün nəsə gəlmir, axır çıxıb yoldakı uşaqları göndərirəm başqa yerə, o da məndən küsüb dərsə qayıdır.. deyirəm ki, nazlı gözlərinə müəllimən qurban, məndən küsmə, bezəndə tualetə qaçmaq əvəzinə mənə de, oyun oynayaq, amma nə badə tualet sözünü deyib bu birilərin tualet (işəmək) həvəsini oyadasan..
keçən dəfə biri gələn kimi tualetə istədi, dedim ki, bəs indi gəlməmisən evdən? nə tez qaçdın tualetə? deyir: "müəllimə, evdə eliyib gəlmişdim, amma anam dedi ki, hələ yarsı qalıb, mən də indi eliyirəm". ilahi, bunu deyəndə büründüyü şirinliyi görməli idiniz..
hələ 30-32 ölçü ayaqları olan oğlan uşaqlarının 40 ölçü çəhrayı hamam şəppirini geyinəndə aldıqları görünüşü demirəm.. o qədər şirindilər ki, uşaqları öpməkdən, qucaqlamaqdan dərs keçməli olduğum yadımdan çıxır bəzən. demişəm dərsdə gülüb mənim ağlımı başımdan almayın, mən sizdən də uşağam, bu dəqiqə oyuncaqlarımı gətirib dərsi təxirə salaram, sonra 2 alıb qayıdarsız üstümə. ona görə diqqətinizi dərsə verib tez yazın, sonra oynamağa vaxtımız qalsın. biz də 2 almağın qorxusundan ciddi rejimdə dərsə başlamaq istəyirik ki, birdən kimsə həmin sualı verib işləri başa sarır: müəllim, olar tualetə gedim?...