65. Gecə vaxtdı iki dənə xəbərə baxdım, olan qalan əsəbim də pozuldu. Birini Cavid ağa paylaşıb twitter-də. Deməli, axcp-nin sədr müavini (səhv eləmirəmsə), gözəl bayramlı dünən rəhmətə gedib. (Allah rəhmət eləsin!). Dəfn mərasimidir. Polis gəlib dağıdır ordakıları, yəni yas məclisi deyil ki, deyesən yas məclisidir, toplaşmaq olmaz. Qəbirstanlıqda gözəl xanımı son mənzilə yola salırlar. Kimsə bunu dəfn eləməlidir ya yox? Meyid öz-özünə qəbrə girə bilsəydi, daha niyə ölürdü ki? Hələ bir neçə axcp üzvünü də tutublar. Polislər də nə boyda. Müharibəyə, düşmən qabağına 18 yaşlı, cansız, cılız körpə balaları göndər, amma xalqın üstünə pəzəvəngləri (elə hər iki mənada). Digər xəbəri də fb-də yaxın biri paylaşıb status olaraq. Deməli, hamı bilir ki, nəinki bizim cəmiyyətdə ermənilər də həqiqətən sülh tərəfdarı, müharibə istəməyən insanlar var. Bir sözlə #nowar həştəqi. Bu adamlar open media üzərindən sülh bəyanatıma imza atıblar və orda adamların adı bir listdə qeyd edib. 100-dən çoxdur. Dünyanın hər yerindən. Statusu paylaşan da yazasan ki, bu insanlar necə adamlardı filan. Altda da kommentlərdə söyənlər boy sırası ilə düzülüb. Kimsə sülh istəyirsə, bunun nəyi pisdir ki? Niyə fərqli düşünən birini qəbul etmək istəmirik? Hamı bizim kimi düşünməyə məcburdu məgər? Şəxsən, mən bu problemin həllini müharibədə görürəm, amma müharibə özü də sülhlə bitəcək də axır-əvvəl. Əbədi müharibə var bəyəm? Twitterə girib baxırsan sülh istəyəni peysər, vətən xaini çıxardıblar artıq. A kişi, dünənə kimi "birinci xanım" ermənilərlə şərab içmək söhbətini eləmirdi? O məqamda məgər o sülhpərvər deyil? Dünənə kimi bu sistemi səriştəsizlikdə, torpaqların satılmasında gunahlandırmırdınız? Bu müharibə olan qalan bir qırıq ümidim var idisə cəmiyyətin düzəlməsinə, xoş bir gələcəyə onu da silib apardı. Manqurt yığınıdı elə bil kütlə. Az-çox keyfiyyətli insanımız da qalıb kənarda çarəsiz.