224. Bir quş dimdiyində qurumuş çöpəm,
Bir yuva içinə apar sər məni.
Sıyırıb donumdan çəkəcək bir gün
Göyə Allah məni, yerə gor məni.

Ömrümə qar yağar hər gələn qışla,
Hoparam torpağa qarla, yağışla,
Cismim sözlə dinər, ruhum baxışla,
Sıxar ürəyini, oyadar məni.

itdiyim hər günə qara çəkərəm,
Özümü özümdə dara çəkərəm,
içimdə elə bir haray çəkərəm,
Eşidər kar məni, görər kor məni.

Elə sevərəm ki, gül açar daş da,
Surətim titrəyər gözdəki yaşda,
Adım üzərinə yazılan daşdan
Onda bacarırsan gəl, qopar məni

Ürəkdən ürəyə uzanan siməm,
Gah həsrət titrədir, gah hicran, gah qəm.
ilahi, ruhunla dolmuş bəndənəm,
Uzadım əlimi, gəl apar məni.

(c) Cavanşir Əsgər

birinci ən bəyənilən şeir misralarına yazacaqdım, sonra gördüm yox e, seçə bilmirəm, bütün misraları "bəyənilən"di..