16. Homofobiya və transfobiya həqiqətən fobiyadırmı?
Fobiya sözünün kökü Yunan mifologiyasındakı qorxu tanrısı Phobos'dan götürülüb. Fobiya irrasional qorxu hesab olunur. Bəs, homofobiya və transfobiyanı da fobiya olaraq adlandıra bilərik?
Etimoloji cəhətdən, fobiya irrasional nifrət mənasını da özündə daşıyır. Homofobiya və transfobiya dedikdə sadəcə bir qorxu deyil, nifrət də nəzərdə tutulur ki, bu özündə şəxsə qarşı diskriminasiya, istehza,psixoloji və fiziki zorakılıq,bərabərlik prinsiplərinin pozulması, hətta qətlləri birləşdirir. Yəni hər iki fikri texniki olaraq fobiya adlandıra bilərik, ancaq arada önəmli məna fərqi var. Belə ki, qapalı yer və ya hörümçək fobiyası olan biri bundan qurtulmaq istəyir, öz əxlaqi seçimlərindən nifrət və öldürmək istəyini qidalandırmaq üçün istifadə etmir. Homofoblarda isə bu tamamilə əksinədir və müasir dövrdə homofobiya ciddi psixoloji problem sayılır.