20. Azərbaycanda "A.Y.E." dəstəkli fikirlərin ilk dəfə formalaşmasında böyük rolu olan Türkiyədə çəkilən "Kurtlar Vadisi" serialı 2022-ci ildə geri dönür. Bu serial insanların düşüncəsinə, geyimlərinə, danışığına, hərəkətlərinə, bir-biri ilə davranış qaydalarına çox güclü təsir etmişdir. Ölmək bilməyən baş rolları ilə yadda qalan seriala görə Azərbaycanda da gənclərin əlində bıçaq, beşbarmaq görməyə, davranışlarını sırf o serialın "qəhrəmanlarına" oxşatmalarına şahid olmağa başladıq. Həmçinin bu serial bizim serial və filmlərimizə də təsirsiz ötüşmədi. Uşaqların psixologiyasına mənfi təsir göstərməsinə baxmayaraq (hansı ki, gənclər özlərinə xəsarət yetirirdi), 15 ilə yaxın efirlərdə yayımlanmağa davam etmişdir. Lakin ölkədə homoseksual məzmunlu filmlər, seriallar, cizgi-filmlər ya yayınlanmır, ya da senzuraya məruz qalır. Halbuki, homoseksual məzmun nə insanları şiddətə çağırır, nə insanların psixologiyasını pozur, nə də onların nitqində, davranışında bir dəyişiklik yaratmır. Televiziya kanallarımızda 1 dənə də olsun LGBTQ kontentli film/serial görə bilmərsiniz, amma təcavüz və zorakılıq səhnələrini tapmaq asandır. Hətta Türkiyədə yaxın vaxtlarda Netflix'in çəkdiyi homo sevgidən bəhs edəcək filmin də dəyişdirilməsi sübutdur.