5. oktyabrın 30-a qədər qeydiyyatdan keçib bir çox faydalı kursları pulsuz əldə edə biləcəyiniz online təhsil platforması.

*edit: müddət 14 dekabra qədər uzadıldı.
sitat:

Azərbaycan Respublikası Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi, BMT-nin inkişaf Proqramı və dünyanın aparıcı onlayn tədris sistemi “Coursera”, COViD-19 dövründə işindən ixtisar olunmuş, biznes mühitinə dəyən zərər nəticəsində öz işini və məşğulluğunu itirmiş və öz bilik və bacarıqlarını artırmaq istəyən 50000 Azərbaycan vətəndaşı üçün “işçi Qüvvəsinin Bərpası Təşəbbüsü” kurslarını təqdim etmək məqsədilə əməkdaşlığa başlayıb.
“işçi Qüvvəsinin Bərpası Təşəbbüsü”, COViD-19 pandemiyası dövründə yaranmış işsizlik böhranına cavab tədbiri olaraq “Coursera” tərəfindən hökümətlərə kömək məqsədilə yaradılmışdır. Bu, işini itirmiş şəxslərə iş bazarına yenidən daxil olmaq üçün lazım olacaq bacarıqları təqdim edəcək onlayn platformadır.
Adıçəkilən təşəbbüs BMTiP-nin “Coursera” tədris sistemi ilə əməkdaşlığı sayəsində təqdim olunacaq.
Kurslar vasitəsilə iştirakçılar əldə etmək istədikləri bilik və bacarıqlara uyğun olaraq dünyanın tanınmış universitetləri və təşkilatları tərəfindən hazırlanmış 4000-ə qədər təlim proqramlarından tam ödənişsiz formada istifadə edə biləcəklər.
Təqdim olunan kurslar ixtisas təlimləri ilə yanaşı, müxtəlif dil biliklərinin artırılması, informasiya texnologiyaları və digər proqramları da əhatə edir. iştirakçılar 400-dək Türk, 60-dək Rus dilində, eyni zamanda ingilis və başqa dillərdə olan kurslardan faydalana bilərlər. Proqramı uğurla başa vuran iştirakçılar dünyanın müxtəlif ölkələrində keçərli olan seritifikatla təmin ediləcəklər.
https://forms.gle/bJ4uBBB8fNPFeYyc9

sitatın sonu.

linkə daxil olub "işçi qüvvəsinin bərpası təşəbbüsü - coursera" seçin. qeydiyyatı tamamladıqdan sonra 24 saat ərzində təsdiq maili gələcək. hamıya tövsiyyə edirəm faydalanmağı. həm öyrənmək üçün, həm də cv-də qeyd etməyə yararlı sertifikat qazanırsız.