1. Mongul (MDCCXCI) - kosmik tiran, WarWorld-un hökmdarı və Sinestro Corps-un keçmiş üzvüdür. Superman nemezisi olmaqla yanaşı, Justice League komandası üçün böyük təhlükələrdən biridir. Mongul uzun illər boyu müxtəlif planetlərə hökmranlıq edən nəslin nümayəndəsidir. Kiçik yaşlarından etibarən, zəiflərin daima güclülərə tabe olmasına inanırdı. Buna görə, heç kimlə, hətta ən yaxınları ilə belə heç bir şeyi bölüşmürdü. Onun damarlarında fəth etmək qanı axır, bu onun zalım təbiətini daha da gücləndirən əsas məqamdır. Kim olduğu və ya kim olduqları qətiyyən vecinə deyil, zəifdirlərsə, ona tabe olmağa məhkumdurlar. Hətta, ailəsinin öyüd-nəsihətini qəbul etməməklə yanaşı, doğma qardaşını da qətlə yetirmişdi. Sadist fəlsəfəsini icra etmək onun gündəlik məşğuliyyətidir.

O, zahiri cəhətdən Darkseid Apocalypse və Thanos kimi supercinayətkarlara bənzədilir. Lord Mongul, Superman/Batman:Game Over komiksinin #5-ci sayısında Batman-i qətlə yetirmişdir. O, əvvəlcə Toymaster-in, Mongul-un özü tərəfindən yaradılan bir oyun cihazını sınaqdan keçirdiyində özünü biruzə verir. Göründüyü zaman bir partlayışla Batman-i öldürmək şansını qazanır. Bütün bunlar isə əslində içərisində superqəhrəmanların hərəkətlərini idarə edə biləcək bir "oyunda" baş verir. "Xeyir qüvvə, şər qüvvəyə sonda qalib gələr!" prinsipinə sadiq qalınır və Mongul məğlubiyyətə uğradılır, sonra da Phantom Zone həbsxanasına göndərilir.
Scott Snyder və Greg Capullo-nun möhtəşəm "Dark Nights" hekayələrində Mongul yenidən boy göstərməyə başlayıb.

Gücləri: superqüvvə, supersürət, regenerasiya, zərərverilməzlik, stamina, super reflekslər, uçma, enerji proyeksiyası, əlbəxaya döyüş ustası, dahi səviyyəli intellekt.

Bonus: Heat Vision