8. 11 ya 12 yaşım var. atamın dostu gilə qonaq getmişik. atamın dostunun qızı sinif yoldaşımdır. yemək, çay, söhbətdən sonra ortaya şahmat taxtası gəldi. atamın dostu qayıdar ki, oynaya bilirsən şahmat? mən də dedim yox. başladı gülməyə, çox dəhşətli şəkildə pərt oldum. başladı qızı ilə oynadı, sonra başladı qızını tərifləməyə və s. sabahı getdim kitabxanaya şahmat bölümündəki bütün kitabları alıb gəldim evə. şahmatı kitabdan oxuyub öyrənmişəm. sonra şahmat tarixi, şahmatçıların həyatı haqqında xeyli kitab oxudum. qardaşıma öyrətdim başladıq oynamağa.

üstündən xeyli keçəndən sonra yenə qonaq getmişdik atamın dostu gilə. şahmat taxtası gəldi. əvvəl qızı uddum, sonra dədəsini. qısacası, sırf intiqam xatirinə öyrənmişəm şahmatı.

məktəb birincisiydim. amma heç vaxt şahmat məktəbinə getmədim. indi peşmanam.