2. fransız sözüdür , roman ( fransız , ispan , italyan ) dil qrupunun adı ilə bağlıdır . XII XIII əsrlərə qədər təhkiyə üsulu ilə yazılan bütün əsərlər bu dillərdə roman adlandırılmışdır . Sonra roman xüsusi bir janr kimi formalaşmışdır . Epik növün təhkiyə şəklində yazılan ən irihəcmli və çoxşaxəli janrıdır . Təsvir edilən hadisələrin əhatə dairəsinin genişliyi , surətlərin çoxluğu bu janrın mühüm əlamətlərindəndir . Hekayə və povestdən fərqli olaraq , romanda yazıçı obrazın həyatının bir mərhələsini deyil , onun keçdiyi həyat yolunu bütünlüklə işıqlandırır , onun fikir düşüncələrini , daxili aləmini , üzləşdiyi çətinlikləri bütün təfərrüatı ilə əks etdirir . N.Nərimanovun " Bahadır və Sona " , M.S. Ordubadinin " Qılınc və qələm " , M.ibrahimovun " Gələcək gün " və s . əsərlər bu janrın ilk nümunələrindəndir . " Gələcək gün " romanı Cənubi Azərbaycanda yaşayan soydaşlarımızın həyatına , milli azadlıq hərəkatına həsr olunmuşdur . Roman , əsasən , nəsrlə yazılır , lakin nəzmlə yazılan romanlar da vardır . Bunlara mənzum roman deyilir . Hələ XII əsrdə dahi N.Gəncəvi mənzum romanın dünya ədəbiyyatının ən dəyərli nümunələri ilə bir sırada dayana biləcək örnəklərini yaratmışdır .

Mənbə: (baxma: evdəki qalın, adı olmayan ədəbiyyat kitabı)