5. özləri fərqində olmasa belə psixologiyası pozulmuş nəsildir.
*persepolis* filmində marji deyir ki, fransada dostlarım mənə həsədlə baxıb cool görürdülər. çünki gəldiyim ölkədə çevriliş və müharibə olmuşdu. amma kimsə həqiqəti dərk edib bunun necə ağır olduğunu anlamırdı.
indi bizdə də həmin vəziyyətdir. karantinin başlaması ən çox sosial həyatı aktiv olan insanlara pis təsir etdi. hər gün evdən çıxıb aktiv həyat tərzi keçirənlərə elə də asan deyildi evə qapalı qalmaq. digər introvert insanların ürəyindən oldu və ya fərq etmədi. amma müharibə ölkədəki normal şüurlu hamıya istər-istəməz təsir edir. hamının qohumunda ya ətraf tanışları arasında səngərdə vuruşan biri var. ya da tanışının şəhid olma xəbəri gəlir... heç biri olmasa da, şəhidlərimiz, gəncə və bərdə hadisələri üçün pis oluruq.
vəziyyət irəlilədikcə öyrəşirik, adiləşir bizə. amma təsəvvür edin 2020 yanvar ayında birisi sizə deyir ki, il sonuna belə olacaq hadisələr. yəqin hamımız gülüb keçərdik, çünki düşünəndə vəziyyət çox dəhşətli səslənir. amma indi həmin durumun içindəyik.
bəlkə də, 50 yaşımızda parkda oturub cavanlara yaşadığımız günlərdən danışacıq acıları unudaraq. müharibə və pandemiya görmüş əfsanəvi nəsil kimi. kim bilir?!