238. Belə başa düşdüm ki, dava elə əvvəlcədən 7 rayon davası imiş. Qarabağdan özümüzə pay qopartmağımız sürpriz olub. 2-3 rayonu aldıqdan sonra Paşinyan geri addım atsaydı heç Şuşa, Hadrut da bizə gəlməzdi. Nəticə etibarı ilə Qarabağın böyük hissəsi faktiki olaraq ermənilərdə qalır. Rusiya ordusu onilliklər sonra leqal olaraq Azərbaycana döndü. Və bütün müzakirə doğuran yerlərə (Laçın koridoru, mehri boğazı, Qarabağın ermənilərdə qalan tərəfinə) nəzarət edəcək. Türk ordusunun rolu burda nə olacaq hələ tam olaraq bilinmir. Amma, açığı desəm Rus ordusu qədər imtiyazlara sahib olmayacağını düşünürəm. Digər sual doğuran məqam, Qarabağın ermənilərdə qalan tərəfində Azərbaycanın iştirakı nə kimi olacaq? Əsgər və ya polis yerləşdirə biləcəyikmi ora? Ümumiyyətlə orda Azərbaycan qanunları işləyəcək ya necə? Sənədi bir neçə dəfə oxudum. Ancaq bu söhbət mənim üçün qaranlıq qalır. Üstəlik əliyevin bir saatlıq nağıl danışmasında bu məsələ haqqında bir söz belə deyilmədi.
indi bizim üçün burda müsbət nəticə nə oldu? Rayonları qaytardıq, Qarabağdan parça qopartdıq. Qarabağın müstəqilliyi vızqırtdı. Qaçqınlar öz evlərinə qayıda biləcəklər.
Amma, savaş meydanındakı 100% uğurumuza baxsaq, imzalanan müqavilə təbii ki, çox zəifdi. Çünki, müharibə ilə Qarabağı yox, onsuzda bizim olan rayonları qaytardıq. Üstəlik yuxarıda da yazdığım kimi əsas ərazilərə ruslar nəzarət edəcəklər. Bu da o deməkdir heş zad. Bir işğalçını o biri ilə əvəzlədik. Rusiya ilə sözümüz bir az tərs düşən kimi başladığımız nöqtəyə qayıda bilərik. Yəni faktiki olaraq yenə də sovet modelinə döndük. Və əliyev, artıq bir dəfə çökmüş bu modeli bizə qələbə olaraq itələyir. indi gözdəyək görək dünəndən bəri küçələrdə şıllağ atan camaata bu nə vaxt çatacaq -*