1. bu sifarişi verən: fövqəl insan
Niyə indiyə qədər açılmadığına təəccübləndiyim başlıq və hamımızın həyatında mütəmadi olaraq yaşadığı hadisə. Durduğun yerdə zibilə düşməyin qısa və alınma variantı. Çujoy- rus dilindən yad, paxmel (doğrusu poxmelye)- içib açarı itirəndən sonra gələn post-intoksikasion vəziyyət. Üç misal göstərim, söhbəti tutun:

Ailəiçi- məsələn *sibling*in yemək bişirəndə yağı kafelə dağıdıb mətbəxi əsaslı şəkildə zay edir. Sırf təsadüf nəticəsində hadisə yerində yaşadığınıza və o ziyanxorun siblingi olduğunuza görə döyülürsünüz. Niyə? "Maraqlı olsun deyə" kimi mənasız cavab- dərs olsun, sən də dağıtma. Çujoy paxmel- 10 ballıq nümunə.

Məktəbdaxili- ibtidai sinifdə müəllim otaqdan çıxanda uşaqlar özünü axırıncı yola qoyur. Müəllim gəlir sorğulamadan hamıya 2 yazır. Niyə? Kollektivçiliyə görə aq. Sonra evdə palaz kimi çırpırlar. Hansısa fərdin səhvinə görə ( *dədəsinin səsini çıxaran həmin sinif yoldaşı* ) çujoy paxmel çırpılırsan. Başıma gəlməyib, şahidi olmuşam.

Tələbəlik- birinci kursun əvvəlində hamı belə zor mehriban fırlanmağa çalışır, ad günü ilk olanlara atışıb həm məkan bağlatdırırlar, həm də hədiyyə alırlar. Adətən məkan dönərxana olmur, babat tərləyirsən. Ayıb olmasın deyənə o pulu başına hərləyib verirsən ki, nə də olsa, mənim də ad günüm olacaq. Amma sənin ad günün yaydadı və yay ayına hamı bir-biri ilə az qala qan davalısı olur, sənin ad gününü heç kim qozlamır. Maksimum bir tort alırlar. Ya da almırlar. Nailiyyət əldə olundu: Çujoy paxmel pulunu havaya tökdün.