30. Uşağın işlərinə yaramaq üçün var olan bir şey olduğunu düşünmələri. Heç bir seçim azadlığı verilmir,öz istəklərinə uyğun böyüdürlər, itaət etməyi və onları məmnun etməyi tələb edir bir çox azərbaycanlı valideyn. Sanki bu uşaq xidmətçi olsun deyə dünyaya gətirilib. Qocalanda da təbii ki, özlərinə baxılmağını istəyirlər.Hələ ən kiçik şeydə də "mən səni yemədim yedirdim,geymədim geydirdim"kimisindən üsyan edirlər. Ay axmaq, bu sənin yaxşılığın deyil, təməl valideynlik vəzifəndi. Vəzifəni uşaqdan yaxşılıq edirmiş kimi minnət qoyub qarşılıq tələb etmə.Uşağı dünyaya gətirmisənsə, yedirib-geydirmək də, təhsil vermək də sənin borcundu. Böyük bir qələt kimi qaxma uşağın başına.Burdan valideynlərə sözüm odur ki, uşaq fərdi şəxsiyyətdir.Sizlə eyni düşünməyə, fikirlərinizə qatılmağa məcbur deyil. Siz ayrı dövrün insanısız ,o ayrı. Məcbur deyil sizi anlamağa, çünki o hələ uşaqdı,amma siz onu anlamağa məcbursuz. Sırf dünyaya gətiribsiz deyə , yedirib-geydirmisiz deyə həyatlarının orta yerinə daş qoymağa haqqınız yoxdu. icazə verin seçimlərini özü etsin. O həyatı o yaşayacaq siz yox. Olmaq istədiyi insan olmasına mane olmuyun.