Blek və dum metal janrlarının birləşməsindən (fusion) yaranmış musiqi janrı. Suisidal blek metal, depressiv blek metal, DSBM də adlandırılır. Adını alma səbəbi mətnlərinin özünə zərər vermə, mizantropiya, depressiya, intihar və ölüm kimi mövzularda olmasıdır.
Musiqisinə gəldikdə isə hibrid janr olduğuna görə eyni zamanda həm blek metala xas olan lou-fay (daha aşağı keyfiyyətli, səs xətaları olan- bu kimi janrlarda məqsədli şəkildə edilir) səsyazma, ağır distorşn, sürətli temp, həm də dum metala xas olan akustik alətlər, monotonluq, apatik və yavaş baraban partiyaları, distorşnsız elektro gitara müşahidə oluna bilir.
Kompozisiya adətən uzun, təkrarlanan olur, bəzi qruplar daha sürətli və templi ifa etsələr də (məsələn, "Silencer"), digərləri aşağı temp və hipnotik atmosfer yaradır ( məsələn, "Xasthur").
Vokal çox vaxt şrayk tipində olur və çarəsizlik, ümidsizlik kimi hissləri ifadə edir. Bu janrda tək nəfərlik qruplar digər janrlara nisbətən daha çox olur.
Ümumiyyətlə isə bir çox mövzuya aid ədəbiyyatlarda janrın təkanverici nöqtəsi kimi *Burzum* qrupu göstərilir. "Manes", "Strid", "Bethlehem" qrupları da janrın formalaşmasında önəmli rol oynayıb. Janrın məşhur nümayəndələrinə yuxarıda da adları çəkilən "Xasthur", "Silencer", "Leviathan", "I shalth become", "Shining", "Nortt" qruplarını misal göstərmək olar.
Sonda isə janrın ən mistik və şəhər əfsanəsi dolu qrupunun- "Silencer"in mahnısını atıram. Şaiyələrə görə buraxdıqları tək albomdan (Death-Pierce me) sonra hələ də anonim qalan vokalist Nattramn psixiatrik xəstəxanaya düşmüşdür və albomu yazarkən həqiqətən də özünə zərər verirdi.
(youtube: 
)
)