17. Bolluq içində doğulub yoxluq çəkmək. Bu ölkəni Almaniyadan daha güclü etmək olar. Bizdə hər şey var. iqlim, məhsuldar torpaq, turizm üçün əla fürsət (dəniz turizmi, tarixi abidələr, zəngin flora və fauna və s.), təbii sərvətlər. Lakin, gəl gör ki, bəzi problemlər də var. Məsələn, rüşvət kimi, vorobskoy jiznə olan maraq kimi, aşağı maaş, sürünən təhsil sistemi kimi. Bunlar düzəlsə əgər, inanın ki, bu ölkə inanılmaz dərəcədə inkişaf edər. Hamı bunu anlamalıdır, hamı bunun üçün can yandırmalıdır. Ələxsus bu günlərdə. Qəhrəman olmaq məhz cəbhə bölgəsində vuruşmaqdan ibarət deyil. Onlara bütün həyatımızı borcluyuq, o ayrı. Lakin, ləyaqət sadəcə ordudan ibarət deyil. Hamımız vətənpərvərliyimizi müxtəlif sahələrdə göstərməliyik. Pessimist bir adamam, lakin inanıram ki, Rəsulzadədin qeyd etdiyi günəş bir gün bizim üçün də doğacaq. insanlar bu ölkədə doğulduqları üçün lənət oxumayacaqlar, bu ölkə sadəcə şəhid qəhrəmanları ilə deyil, alimləri, dünyaca məşhur biznessmenləri, şirkətləri, nümunəvi şəxsləri ilə tanınacaq. Və hər zaman demişəm, xaiş edirəm cənubi Azərbaycanı unutmayaq. Gün gələcək ora da bizə qovuşacaq. 20-ci əsrdə buna neçə dəfə yaxınlaşmışdıq. Hamımıza gözəl gələcək arzulayıram, bu ölkə bizimdir, bu ölkənin vətəndaşları məhz bizlərik. Əqidəsindən, dinindən, irqindən, peşəsindən asılı olmayaraq hamımız bir yumruq kimi birləşib bu ölkəni qaldırmalıyıq. Qarabağın azad olunması bir bitiş yox, başlanğıc olmalıdır. Bu motivasiya ölməməlidir. Axı niyə yaponlar bizdən üstün olsun ki? Niyə biz də bu ölkəni qaldırmayaq ki?