1. mənim üçün heç bir məna kəsb etməyən hadisədir. təbii ki, Ermənistan Azərbaycanın əzəli düşmənidir, bu danılmaz faktdır kimsə durub "onların bayrağına hörmət etməliyik", "humanizim.." bla, bla demir, amma bu bayrağı yandıranda, üstünə çıxıb şəkil çəkdirəndə axı bizim əlimizə nə keçir? instagramda postlar görürəm adamlar ərinməyib bir otaq enliyində erməni bayrağı tikdirib üstünə çıxıb gəzir. sırf boş vaxt itkisi. hə gəzdin noldu indi, ayaqqabını sildin, burnunu sildin noldu da?
mən deyim nə olduğunu eynisini görüb onlar da bizim bayrağımızı təhqir elədilər, hətta ictimai mediada paylaşdılar. biz də gördük getdik tənqid eləməyə (söyüb batırmağa) . bəs biz bunu tənqid ediriksə niyə özümüz eyni hərəkəti təkrarlayırıq? tutaq ki deyirsən, nolsun ki onlar bizdən əvvəl bu hərəkətləri eləyirdilər, onlar Xocalını törədən insanlardır, onların bayrağı elə təhqirə layiqdir. haqlısan, layiqdirlər və onlar özü-özlərini, onsuz da, rüsvay edirlər. ay qardaşım, biz ermənimiyik ki onlarin xislətini üstümüzə götürək?
Qarabağı can qoyaraq, savaşaraq aldıq. bayraq tapdalayaraq yox. belə ucuz işlərlə like yığmaq, insanların hissləri ilə oynamaq çox düşük hərəkətdir. unutmayaq ki, biz azərbaycanlıyıq və bizim elə bir millətlə bu cür iyrənc ortaq cəhətlərimiz olmamalıdır.