1. sözlüyün instagram səhifəsinin bir məqsədi var. o da sözlüyə yeni insanlar qazandırmaqdı. səhifəni izləyəndə bunu açıq şəkildə görmək olur mənə elə gəlir. insanlar paylaşdıqlarımızdan motivasiya alır, nəsə öyrənirlərsə nə gözəl. amma əsas məqsəd bu deyil.
nümunə:
2. heç kimin entry-si senzura olunmur. səhər tezdən yuxudan qalxıb "bu gün də filan yazarın entry-sini paylaşım" deyib, girib yazarın profilini eşələmirəm. ya da paylaşmaq istədiyim entry-ni "yox əşi bu filankəsin entry-sidi" deyib kənara itələmirəm.
3. onda entry-lər necə seçilir? həftə ərzində qarşıma çıxanları not alıram. həftəsonu da "qarışdır" düyməsindən istifadə edərək entry-lər tapıram. arada discord-da filan paylaşılan entry-lər də əlavə olunur bu siyahıya. daimi ziyarət elədiyim başlıqlar var. (bax: tarixin ən böyük umbaylamaları) . yəni indiyə qədər kiminsə entry-si paylaşılmıyıbsa başlıca səbəbi qarşıma çıxmamağıdı. bəzən həftə sonumun yarısını entry axtarmaqla keçirirəm amma əliboş qalıram. (minnət eləmirəm heç kəsə. sadəcə asan olmadığını deyirəm.)
4. sözlükdəki hər entry-ni paylaşmaq olmur. elə entry-lər var ki, onu sadəcə sözlükdə başlığa girib oxuyanda başa düşə bilirsən. elə entry-lər var ki, yarısı dolu yarısı boşdu. boş hissəni kəsib dolu hissəni paylaşmıram. ümumiyyətlə entry-ləri təhrif və senzura eləməməyə çalışıram. azərb. şriftə çevrilmə, qrammatik düzəlişlər xaric heç nə dəyişdirmirəm.
5. söyüşlü, seksist və s. kimi sözlüyə antipatiya yaradacaq entry-lər paylaşmamağa çalışıram. yuxarıdakı təhrif, senzura qaydasına görə söyüşlü entry-lər də senzura olunmur. məsələn içində sadəcə "gijdıllaq" sözü olan bu entry (#181811) paylaşıldıqdan sonra səhifə 30 nəfər izləyici itirdi. amma ümumi olaraq yaxşı entry olduğu üçün paylaşmışdım. sonradan da silmədim.
6. səhifə izləyiciləri nəyi sevir? cavabı "tam bilmirəm"di. ümumi olaraq tutan postların anlayıram. amma sürətlə yeni izləyicilər gəlir. kimin nə zövqdə, ağılda olduğunu bilmək olmur. elə dünən bir nəfər xanım öyrənildiyində nə qədər cahil olduğunu göstərən sadə məlumatlar başlığına görə səhifəyə hücum çəkmişdi ki, camaatı niyə təhqir edirsiz.
reklam olunan postlar xaric səhifənin ən uğurlu paylaşımı bu entrydi (#55678). hətta bu post reklam elədiyimiz postlardan birini belə keçmişdi. düşünün yəni nə qədər çox bəyənilib. halbu ki, paylaşanda heç tutacağını düşünməmişdim.
7. elmi entry-lər niyə paylaşılmır? paylaşırıq amma tutmur. qısa olan elmi etry-lər belə yetəri qədər rəğbət görmür. qalmışdı uzunları.
ümumiyyətlə mərzəm mirzəxani haqqında olan entry (#290010) heç bir şəkildə instagrama uyğun gəlmir. içində bu qədər şəkil olan, üstəgəl bu qədər geniş entry heç yerə sığmaz (şəkillər olmasa belə). instagram postlarını müəyyən dizayna uyğun hazırlayıram. (dördüncü meymun sağolsun onun əməyidi). şəkildən də görüdüyünüz kim limitlidi. indi bunu 10 səhifəyə vurun. (instagramda max 10 şəkil paylaşmaq olur.)
onsuz da ingilis dili öyrədən entry-lər tez-tez paylaşırıq. story-lərdə sual cavab edirik. yəni izləyənlərə hanısa postun faydası dəyəcəksə bunlar dəyəcək. 30 səhifəlik bioqrafiyanın yox.
deyəcəksiz ki, səndən nə gedir amk paylaş da uzun, elmi entry də. iş orasıdı ki, məndən gedir. entry-nin tapılması, ona uyğun şəkil tapmaq, fotoşopda yığılması, sistemə upload olunması vaxt aparır. uzun entry daha çox vaxt aparır. (yenə minnət eləmirəm. sadəcə izah edirəm) həmçinin sadəcə instagram üçün post hazırlamıram. eyni postlar həm facebookda, həm də twitter-də avtomatik paylaşılır. instagramda bir neçə səhifəlik uzun entry-lər paylaşmaq alınsa da face və twitter də (yaxşı) alınmır. ona görə instagrama bir neçə səhifəlik entry paylaşacamsa facebook və twitter-da heç nə paylaşmıram. bu da bizi aktivlikdə geri salır.
dediyim sistem * later.com belə görünür:
8. instagram image based yəni şəkil bazalı sistemdi. mən özüm sözlükdə çox uzun yazıları oxuya bilmirəm (bunu başqalarından da eşitmişəm). facebookda biraz uzun olan postların şərhlərini oxuyanda çox adamın postu tam oxumadığını anlayıram. indi düşünün instagramda vəziyyət necədi. ora girən kimsə 10 səhifəlik yazı oxumağa gəlmir. birinci səhifə maraqlı deyilsə o biri səhifələrə keçid edilmir heç. bu hal ümumi dünyada belədi bu arada. bütün insanlıq olaraq hər şeyi yola verməyə başlamışıq. mahınların get-gedə qısalmasından filan anlaya bilərsiniz bunları.
9. "öz entrylərini paylaşırsan!". səhifəni təhvil alanda ilk qaydam o idi ki, özümün entry-lərimi paylaşmayım. sonra "momoko öz entrylərini paylaşır" deməsinlər. amma alınmadı. bütün gününü entry axtarmağa sərf edib heç nə tapamayanda məcbur öz entrylərimi də paylaşdım. səhifədə özmün entryləri ancaq bu halda paylaşılıb.
10. yekun: instagramın "pro"su deyiləm. dördüncü meymun, timidus, vosabinin köməyi, özümün araşdırmaları sayəsində öyrənmişəm. yuxarıda yazdığm "qaydalar" mükəmməl deyillər. bəlkə də bəziləri səhvdi. amma belə formalaşıb hələlik. əvvəl bunlar da yox idi. həmçinin sözlüyü instagramdan tanıyıb gələnlər varsa deməli nəsə düzgün edə bilmişik.
son olaraq. gravitonun səhifədə entry-si paylaşılıb. link
edit: sözüm yoxdu mənim.