6. Bir neçə saat sonra kalendarlarımızın göstərəcəyi təqvim ili.

Maraqlıdır hər il 31 dekabr 00.da insanlar böyük həvəs və atəşfəşanlıqla yeni ilin gəlməsini qeyd edirlər. Və bir-birinə xoş arzular bildirərək yeni ildən gözəllik gətirməsini gözləyirlər. Yaxşı, yeni il təqvimdən başqa nədir? Həqiqətən bizim istək və arzularımızı gətirməyə qadirdirmi?

- əlbəttə, yox. Sadəcə insan üçün ümid yeganə budaqdır yaşamaq üçün tutunduğu. Və 00.dan sonra sanki hansısa qapıdan içəri addım atırmış kimi hiss edilir. Bu qapıdan kimlə, necə girsən elə keçərmiş ilin- deyirlər. Yaxşı əgər belədirsə yəni necə girsək elə keçəcəksə onda niyə bərbad bir ildən çıxmamıza rəğmən gözəlliklər gətirən yeni bir ilə ümid bəsləyirik. Necə çıxırıqsa elə də keçməli deyilmi?) Həyatımız belə paradokslarla doludur. Amma hər necə olsa bu gecə sadəcə təqvim dəyişir. Biz eyni bizik, imkanlarımız və həyatımız eynidir. Zaman içərisində ağırlaşar ya da, yüngülləşər bunlar hansı ildə olmaqla əlaqəli deyil. Baş verənlər əlbət hər hansı bir tarixə təsadüf edir. O tarixi lənətləmək ya da ona tapınmaq boşunadır. Amma ənənəyə sadiq qalaraq yeni ildən hamımız üçün jestlər diləyirəm- belə uzun uzun düşündürüb, gülümsədəcək cinsdən şeylər...