1. youtubeda makiyaj, geyim videoları, lifestyle vlog çəkməyən yeganə türk qadın, ya da türk youtube kanalları arasında tək-tük faydalı olanlardan biri.

fəlsəfə, tarix, sənət, elmlə bağlı videoları mövcuddur və ədəbiyyatla arası olmadığını desə də, çox xəfif ədəbiyyata da toxunur. fəlsəfənin ən qədim tarixindən tutmuş müasir dövrümüzə qədər anladır.

xanım çox ağır mövzuları səsi və diksiyası ilə yüngülləşdirir. xüsusən fəlsəfəyə girmək istərkən dərin su hövzəsi görən talassofobiyalı kimi bundan qaçan insanlar bu kanala baş çəkə bilər.

qeyd.
fəlsəfəyə bir az vaxt ayıraraq yeni başlamış biri kimi, özüm də ən köhnə videolarından izləyirəm və ümumiyyətlə kanalın fəlsəfəyə hakim olan insanlara nə qədər xeyir edəcəyini bilmirəm. zənnimcə, xanımın videoları buna yeni başlamış insanlar üçün faydalı olacaq şəkildədir.