2. Kor qaranlığın damında
Körpə bir uşaq
Yanıqlı bir fəryadla
Təkbir çağırır

Bir fahişə ağlayır ac-yalavac

Çirkli bir tumanın əyəkləri
Böyük qələbəsindən danışır
Qoçaq qulların.

Və sahilsiz deyil
Qatranın qapqara dərinlikləri
Ağır və çətin bir yoldur
Fəqət gündüz də
Həmişəlik qalmayacaq burda
Çünki günəş
Çırağıdır başqa bir zülmət keçidin
Xəstə qaranlığın damında
O ki gün tutulmasına təkbir gətirir,
Başsız doğulan bir körpədir.
və
Ölümqabağı duamız olsa da hərdən
Zümzümylə oxuduğumuz bu nəğmə
Heç vaxt son marşımız olmayacaq.
Əhməd şamlu
Fars dilindən tərcümə edən xaqani hass