əjdahalar googlla aleksandrov ansamblı1. orjinal adı "Прощание славянки" olan, 1912-ci ildə rus bəstəkar vasili aqapkin tərəfindən öz ərlərini balkan müharibələrinə yolla salan slavyan qadınlarının şərəfinə bəstələnmiş, sonralar birinci dünya müharibəsində rusiya və ətraf ölkələrdə olduqca geniş populyarlıq qazanmış, hətta admiral kolçakın komandanlığında bolşeviklərə qarşı döyüşən ağ ordunun qeyri-rəsmi himni halına gəlmiş, rəsmi dövlət ideologiyasına zidd sözləri səbəbilə sovet ittifaqında qadağan olunmuş, ancaq 1957-ci ildə çəkilmiş "durnalar uçur" filmində epizodlardan birində səsləndirildikdən sonra yenidən populyarlıq qazanmış və sözləri dəyişdirilərək yenidən rəsmi mərasimlərdə və paradlarda ifa olunmağa başlanmış, hətta rusiya müstəqillik əldə etdikdən sonra partiyalardan biri rəsmi dövlət himni olmasını təklif etmiş, qərbdə rusiyanın simvollarında biri kimi tanınan, hətta qərb hərbi orkestrları tərəfindən də ifa olunan, tom hanksin baş rolda oynadığı "Charlie Wilsons War" filmində də səsləndirilmiş, 1941-ci ildə almanların bir neçə km yaxınlığında olduğu moskva şəhərində keçirilən və əsgərlərin birbaşa döyüşə yollandığı 7 noyabr paradında da ifa olunduğu iddia edilən, bugün də moskvada keçirilən qələbə paradlarında ən sonda ifa olunan, olduqca gözəl musiqiyə malik hərbi marş.
bu isə aleksandrov ansamblının 2016-cı ildə baş tutmuş və öz heyətinin böyük bir hissəsini itirməsi ilə nəticələnmiş təyyarə qəzasından öncə bolşoy teatrda verdiyi son konsertin ən sonunda etdiyi ifadır. videoda gördüyünüz ansamblın bədii rəhbəri dirijor valeri xəlilov da daxil olmaqla, hərbi formada olan xor üzvlərinin demək olar hamısı bir neçə həftə sonra baş verəcək təyyarə qəzasında həyatını itirdi...