31. illərdi, Türkiyə mediasında soğanlı və ya soğansız olmalıdır deyə, bir-birlərini qırırlar. Ən bab aşbazlar belə soğanlı olmalıdır deyir. Onsuz da pomidor yumurtaya tam verən soğandır. Hələ yanına acı yaşıl bibər və xiyar əlavə elədinsə, şedevr. Hazırlanması isə çox sadədir, amma ilk öncə onu deyim ki, pomidor soğanı necə gəldi doğrayıb atmayın tavaya. Əvvəlcə soğanı doğrayın. Dişinizdə hiss eləmək istəyirsinizsə, iri doğranmış olması məsləhətdi. Kərə yağında eləsəniz daha dadlı olacaq. Elə ki, soğan öldü və normal qovruldu, qabığı soyulmuş və doğranmış pomidorları tavaya əlavə edin. Burda incə bir məqam var, əgər quru istəsəniz, tam gözləyin, pomidorun suyu çəkilsin, sonra kənarda çırpdığınız yumurtaları əlavə edin, ya da biraz sulu buraxın. Mən şəxsən biraz sulu saxlayıram, lap qurudan xoşum gəlmir. Yumurtanı da əlavə edəndən sonra, əgər evinizdə rəndələnmiş pendiriniz (edamer və ya digər sarı rəngli) varsa, əlavə edib qapağını qoyun. Çox dəhşət bir şey olacaq. Pendiri söhbətini əslində bir növ özüm "kəşf" eləmişəm youtube videolarından xəbərsiz, yenə gecə evdə yemək növbələrinin birində evdə artıq pendir qalmışdı, üstünə əlavə elədim. Dadı isə möhtəşəm. Uşaqlar həmişə gələndə elə istəyirlər. Çörək də ki məlum məsələ: ya təndir, ya lavaş. Yeyilmə qaydası da bəlli; 3 barmaqla (baş, şəhadət, orta birləşdirib çörəyi tutub, dalırsan tavaya, nimçə filan yoxdu, bam-bam) üstündən də pürrəngi çay qəndlə, amma xortuldatmadan, please. indi yazdım ki, səhər durub rahat hazırlaya bilərsiniz
(baxma: cıdır düzündə pomidor yumurta )
(baxma: dostlar baxıb sevinsin, düşmənlərin gözü kor olsun )