32. bu gün etibarı ilə son həkim qəbulundan da keçdiyim və sağlam çıxdığım xəstəlik. şəxsən məni xəstəliyin özündən çox psixoloji tərəfi incitdi.
yanvarın 2-də baş ağrısı və qızdırma ilə gəldi. ayın 3-ü test verdim və ayın 5-i neqativ nəticə gəldi. test neqativ olduğuna görə durub mal kimi evdə gəzişib eləmişəm və buna görə müalicə yubandı biraz. ayın 8-i qızdırmamın düşməməsi səbəbi ilə həkimdən məsləhət alıb qanın ümumi analizi, əlavə olaraq qandan iki fərqli karona testi, rentgen filan elətdirdik. karona testləri yenə neqativ çıxdı. ancaq rentgen və qan analizi ilə, həm də həkim qəbulu zamanı yoxlamada həkim karona diaqnozu qoydu və neqativ testlərin artıq adi hal olduğunu dedi. qızdırma, öskürək və baş ağrısı görünən simptomlar idi.
dediyim kimi xəstəliyin özü yox psixoloji tərəfi yordu. bir neçə aydı maaşımdan kənara atdığım, barəsində planlar qurduğum pulum bir neçə günə əridi getdi. bilirəm "cana gələcəyinə mala gəlsin" amma adam əməyi puç olmuş kimi hiss eliyir. bir neçə gün əvvəl işə başlayanda hər şeyə sıfırdan başlamışammış kimi hiss elədim.
ən çox incidən şey evdəkilərin narahat olması idi. 1 həftə müddətində qızdırmam 37-39 aralığında dəyişdi. arada 39.2-ni belə gördüm. hər dəfə evdəkilərə "qızdırmam 39-du yenə" deyəndə narahat olduqlarını görmək ürəyimi üzürdü. bir həftə gecə bir saatdan bir oyanıb məni yoxlayıblar. 24 yaşında balaca uşaq kimi aciz vəziyyətə düşmüşdüm -*
məlum məsələ heç kim karona xəstəsinə iynə vurmaq istəmədiyinə görə qarın nahiyəmə öz iynəmi özüm vurdum. ömrü boyu heç kimə iynə vurmamış adam özümə iynə vururdum -*
yatağa yapışıp qalmaq hər şeyə həvəsimi öldürdümüşdü. bu qədər boş vaxtda iki filmi zorla izləyə bildim. bütün günü boş-boş yatmışam.
ən nifrət elədiyim şey də ətrafdan gələn məsləhətlər, hər kəsin öləcəyəmmiş kimi danışmağı idi. "necə olur testin neqativdi amma karonasan?", "bizim həkimlər nə qanır karona nədi" "iybilmə zad yerindədisə necə karona olursan?", "nahaq o xəstəxanada analiz vermisən, filan yerdə verərdin gərək", "həkim niyə sistem yazmıyıb ki? mənim xalamoğlu 10 dənə sistem köçürtdürüb." və s. hamısının xoşniyyətli olduqlarını düşünüb yola veməyə çalışmışam amma hər dəfə kimsə belə əsəbimi oynadanda qızdırmamın qalxdığını hiss eliyirdim.
axırıncı dəfə həyatdan belə bezdiyim universitetə hazırlaşanda, imtahan yükü altında əziləndə olmuşdu.
uzun sözün qısası, həyatım boyu yaşadığım ən yorucu və qəribə hadisələrdən biri idi. heç kimə arzulamıram. özünüzə diqqət edin. spirtlənmək və maska yetərli deyil. -*