2. Özü ilə birlikdə p*lis zorakılığının ən ağır formalarını da nümayiş etdirən heşteq. Bir müddət paylaşılan videolara baxdım, sonra həqiqətən sıxıldığımı görüb izləməyi dayandırdım. Göz görə-görə avtokrat hökumətin etdiyi və yobaz gericilərin əllərini ovuşduraraq xalqı manipulyasiya etdiklərinə məruz qalmaq bezikdirdi məni. Hələ dünən Lənkəran Dövlət Universitetindəki tələbələrin kəsilməsinə və müəllimlərin haqsızlığına etiraz edən Əhməd Məmmədli və digər gənc fəalların saxlanması demək olar ki, heç yerdə xəbər olmadı, o cəhənnəm, çox insanın xəbəri belə olmadı. Öz haqlarını axtaran tələbələrdən qorxan və hər vəchlə onları əzən rejimlərdə yaşamaq, onların bu əxlaqsızlıqlarına şahid olmaq hər dəfə sıxır məni. Despot idarələrin gəncləri hər dəfə daha ağır şiddətə məruz qalır və təəssüf ki, bunun qarşısını almaq mümkün olmur. Təəssüf...