4. Çünki özünü sevən insan başqalarına rəhbərlik edə bilər, özünü sevən insan özünü daima inkişaf etdirər. Üstəgəl, özünü sevməmək özünəinamı aşağı salar, özünəinamsızlıq bədbinlik gətirər, bədbinlik depresiyaya aparar. Depresiya həyat keyfiyyətini aşağı salar.
Normal insan 5 günlük ömrünü niyə pessimizmlə keçirdib çürütmək istəsin?! nə qədər Sevilsəniz də heç kim özünə negativlik ötürən insanla ömür keçirtmək istəməz, niyə də istəsin axı? Var belə insanlar "mən belə bacarığsızam, mən belə bədbəxtəm, eybəcərəm, boyum qısadı, burnum əyridi, pulum yoxdu götüm düzdü bla, bla, bla.."
əlbəttə, bunlar normal şeylərdir, təbii ki, hər kəs həyatında bir dəfə də olsa bu hisslərə qapılmışdır və belə hiss etdikləri zaman sevdiklərimizin yanında olmaq bizim borcumuzdur, lakin sözüm bunu davamlı hala gətirənlərdədir, ver mənə diqqət ideyalogiyasıyla insanların sevgisini istismar edənlər, vaxt oğruları.

Qeyd: depresiyada və ya həyatınızın hər hansı bir çətin mərhələsindən keçdiyiniz üçün belə davranmağınız sizi onlardan biri etmir.

Xülasə, güllərim, özünüzü sevəcəksiniz, qədrinizi biləcəksiniz, 65-inizə basıb nəvənizi dizinizə oturdanda (tanrı gecindən versin) mən 2* yaşımda özümə nifrət eləyib, həm camaatın həm də özümün ömrünə s..ırdım deməyəcəksiniz, yaşadım deyəcəksiniz, yaradım/yaratdım, qusdum/batırdım, yıxıldım/durdum, amma dayanmadım, ilişib qalmadım sevdim özümü.

Siz də sevin özünüzü, xoşunuza gəlməyən cəhətləriniz varsa düzəldin. dünyayı, insanları, heyvanları və s. sevməyə bilərsiniz, amma özünüzü sevəcəksiniz, ağlı olan özünü sevər, dəyərini bilər (söz yox, hər şeyin həddi var). Onsuz da, özünüzü sevdikcə başqalarını da sevməyi öyrənəcəksiniz, bu da sizi Həyata bağlayar. Buyurun, nur topu kimi bir xoşbəxtlik iniz oldu. Həyat qısadır, yaşayın, yaşadın. nə qədər çətin olsa da qəmdən-kədərdən uzaq olun!
Vaxt ayırıb sona qədər oxudunuzsa təşəkkürlər!