103. Minnoş yanaqlar

Minnoş yanaqları, şirin sözləri,
Baxışı məftun edir baxan gözləri.
Xudadan arzum odur, bir tək istəyim,
Kaş olmasın onsuz, ömrüm günləri.

Dürr abu mələk odur, onsuz həyat boş,
Onun ətri eyləmiş cahani sərxoş,
Bəzəmiş bu dünyanı, həm də ki, etmiş,
Məni vurğun özünə, yanaği-minnoş.

Bilmirəm qəmzəsi var, yoxsa ki yoxdur,
Olsa da, olmasa da heç fərqi yoxdur.
Yanağın qəmzəsizi çirkin olarmı?
Qəmzəsi olmasa da, zato minnoşdur.