74. axşamlar targovudaki klubların partylərlə ağzına qədər insanla dolu olduğu, idman zallarının isə 1 ildən artıqdır bağlı olduğu azərbaycansayağı karantin rejimidir.
məntiqli və obyektiv deyil, azərbaycanda hər şeydə olduğu kimi subyektiv və corruptdur. məlum insanlar özlərinin bizneslərini, və özlərinə lazım olan yerləri açıq saxlayıb, qalanlarını karantin adı ilə bağlayıblar. adamlara təbii ki idman zalları lazım deyil, çünki hər birinin milyonluq villalarında idman zalları var. bəs klublar? onlar isə lazımdır. Həm öz biznesləri olduğu üçün gəlir mənbəyi olaraq, həm də özlərinin də istifadə etdiyi əyləncə növü olaraq.

metro 1 ildən artıqdır işləmir, insanlar avtobuslarda çətin şəraitdə işə gedib-gəlir, pik saatlarda şəhərin bütün yolları iflic vəziyyətinə düşür.

hanı axı burda məntiq? kimdir bu qərarları verən? təbib niyə bu qərarlarla bağlı çıxıb izahat vermir? yoluxma saylarını azaltmaq üçün insanları məcburi evə yığmağı mənim 5 yaşlı dayım oğlu da düşünə bilər. əgər bir qurumun 1 ildən artıq müddətdə pandemiya ilə mübarizədə öyrəndiyi metod bundan o tərəfə gedə bilməyibsə, deməli o qurumda problem var.

1 il boyunca aralıqsız karantin olmaz gözəl insanlar, buna nə iqtisadiyyat dözər, nə normal gündə belə güc-bəla ilə dolana bilən insanlar, nə də insanların psixi sağlamlıqları.