178. əsası 1907. ildə qoyulan, ilk dəfə "siyah çoraplılar" adlanıb sonradan hazırki adına keçid edən, Türkiyənin ən böyük idman klublarından biri. istanbul şəhərini təmsil edən Fenerbahçenin, futbol, basketbol(həm kişi həm qadın), voleybol(həm kişi həm qadın), atletika, boks(həm kişi həm qadın), avarçəkmə(həm kişi həm qadın), üzgüçülük(həm kişi həm qadın), qayıqsürmə, kiberidman və para-basketbol üzrə şöbələri aktiv şəkildə fəaliyyət göstərməkdədir. Komandaya Türkiyəli tanınmış iş adamı Ali Koç prezidentlik edir. (05.18-h.h) Ənənəvi olaraq sarı-lacivert rənglərlə tanınan komanda, ən böyük uğurları, məhz ölkənin əsas idman növləri olan Futbol, Basketbol və Voleybolda qazanıb.

Klubun futbolda, 19 Ölkə Çempionluğu, (Federasiya tərəfindən Liqanın əsası qoyulmadan öncə daha 9 çempionluq qazanıb) 6 Ölkə kuboku və 9 Super Kuboku var. Fenerbahçe, bu idman növündə qitənin əsas turniri olan UEFA Çempionlar Liqasında 1/8 final, ikinci dərəcəli turnir olan Avropa Liqasında isə üçüncü olma uğuru qazanaraq Türkiyəni beynəlxalq aləmdə uğurla təmsil edib. Sarı Lacivertlilərin hazırki baş məşqçisi, komandanın əfsanəvi futbolçusu Emre Belözoğludur. Komanda ev oyunlarını, əfsanə prezidenti Şükrü Saraçoğlunun adını daşıyan (50.300 nəfərlik tutumu var) stadionda keçirir.

Kişilərarası basketbolda "Fener" Avropanın ən uğurlu klublarınsan biridir. Klub 12 dəfə ölkə çempionu, 7 dəfə Kubok və Super Kubok, 1 dəfə qitənin nüfuzlu turniri - Euroleaguein qalibi, iki dəfə finalçısı olub. Komanda bu idman növündə, demək olar ki hər il uğurlu çıxışı ilə yadda qalır. isyanbulluların basketbol komandasına Serbiyalı mütəxəssis igor Kokoskov məşqçilik edir. "Dev Adamlar"ın ev meydanı Ülker Sports Arena'dır.

Qadın basketbolu da Türkiyə də çox böyük inkişafdadır, bu dirçəlişə Fener də çox böyük töhvələr bəxş edib. Sarı lacivərdli qadınlar bu sahədə 14 ölkə çempionluğu, 3 Türkiye Şampiyonası, 13 Ölkə Kuboku və 12 Super Kubokuna sahibdir. Bu komanda, Qitə birinciliyində iki dəfə Avropa ikincisi, üç dəfə isə üçüncüsü olub.

Voleybolda istər kişilər, istərsə də qadınlarda Fenerbahçe uğurlu çıxışı ilə seçilib. Üç dəfə qitə çempionu olan Fenerbahçe qadınları, 5 dəfə də Türkiyə çempionluğu yaşayıb. Kişilərdə isə bu göstərici çox cuzi geri qalır.(1 qitə, 5 ölkə çempionluğu)

Fərdi idman növlərində də Fenerbahçe uğurları sırlayan bir komandadır. Klubun Azərbaycan əsilli idmançısı, Sprinter ləqəbli Ramil Quliyev, yüngül atletika üzrə dünya rekordmenidir. idmançı, 2017. ildə Dünya çempionu olduqdan bir neçə ay sonra, Bakıda keçirilən islam Oyunlarının da iki dərəcədə qızıl medalçısıdır.

Fenerbahçe bir neçə dəfə Azərbaycanda səfərdə olub. 1994-95. illər mövsümü, UEFA Avropa Liqası illər mövsüm təsnifat mərhələsində, Tovuzun Turan komandası, ilk matçda 5-0 hesabı ilə məğlub olduğu sarı lacivərdliləri Sumqayıtda qonaq etmişdi, görüş 0-2 qardaş ölkənin təmsilçisinin xeyrinə bitmişdi.

2013. ildə yeni mövsümün hazırlıq periodunda, Lənkərana səfər edən Fener, burda Xəzər Lənkəran klubu ilə yoldaşlıq görüşü keçirdi. 10.000-ə yaxın azarkeşin izlədiyi görüş, istanbulluların 4-0 qələbəsi ilə yekunlaşmışdı.


Qadın Voleybolda klublarımız dəfələrlə Fenerbahçe ilə qarşılaşıb. Bunların birində Rabitə, 2011. ildə rəqibini üstələyə bilmişdi.